اوزینی – اوزی جنسی احتیاجینی قاندیریش؛مملکتده ایسبورونلر، یاشلر حتا اورته یاشلی کیشیلر مخدر مادهگه بیریلگنی کبی کوپیگن. لیکن، بو مساله بارهسیده عاموی خلق حضوریده کمدن – کم گپیریلیشیگه سعی و حرکت ایتلهدی.
اقتصادی قشاقلیک، قیزلرنینگ قَلینی اوته یوقاریلیگی، تویلردهگی نا توغری عرف و عادتلر پورون فیلملرنی آسانلیک بیلن قولگه کیریتیش یاشلرنی اوزینی – اوزی جنسی احتیاجینی قاندیریشگه یوز کیلتیریشیگه باعث بولگن.
هراتلیک بیر قنچه یاشلرگه کوره، اوزینی – اوزی جنسی احتیاجینی قاندیریش یاشلر همده ایسبورنلر ایچیده عادی بیر رسم گه ایلنگن. اوشبو عادت اورته یاشلی و ایریم پیتلرده اویلنگندن کیین کیشیلر ایچیده دوام ایتیشی ایتیلهدی.
اولرنینگ ایتیشیچه، بو توغریده معلومات بیریلمهگن لیگی باعث، حاضر کوپینچه یاشلر اوزینی – اوزی جنسی احتیاجینی قاندیریش نینگ زیانلریدن خبر سیزلر.
هرات یشاووچیسی مسعود، یاشلرنی اوزینی – اوزی جنسی احتیاجینی قاندیریشگه یوز کیلتیرگنلیگی نینگ بیرینچی عاملی قیزلرنینگ قلینی اوته یوقاری بولگن لیگیدن کیلیب چیقهدی دیگن. اونگه کوره، بو قیین چیلیک ایریم حالرده، پورون فیلیملر بازاری یخشی لهنیشی گه هم آلیب کیلگن.
شونینگدیک فیض محمدباور کوپینچه افغانستانلیک یاشلر اوزینی – اوزی جنسی احتیاجینی قاندیریشگه بیریلگنلر دیدی. اقتصادی قیینچلیک، ناپسند عرف و عادتلر همده تویده صرف ایتیله دیگن بیلنی سیندروچی خرجت، یاش قتلمنی بو ایشگه یوز کلتیریشی اوچون اساسی عامل دیدی بارو.
هراتنینگ باشقه بیر یشاووچیسی اسدالله تیموری، کوپینچه یاشلر اوزینی – اوزی جنسی میلینی قاندیریشگه افراط قیله دیلر دیدی. بو ایش طبی نقطه نظردن هم زیانی بولیشی ممکن دیدی صحبتداش.
هراتلیک تناسلی کسللیکلر بوییچه شفاکار غلام علی جلیس تیز انزال بولیش، جسمی قیینچیلیک، عصب بوزیلیشی، توشکونلیک، ایر و خاتین اورتهسیده محبت آزیشی، منی اختیارسیز روشده چیقیشی، جسم کوچسیزلهنیشی، حافظه ضعیف بولیشی اوزینی – اوزی جنسی احتیاجینی قاندیرشنینگ زیانلریدن حسابلنهدی دیگن.
هرات بیلیم یورتی جماعه شناسلیک فاکولتهسینینگ استادی علی احمد کاوه، اوزینی – اوزی جنسی احتیاجینی قاندیریش کیشیگه زیان ییتکزی دن علاوده عایلهوی قیینچلیکلرگه هم باعث بولهدی. کاره، بو ایشنینگ سلبی تاثیرلری بعضی وقتلرده ایر و خاتیننی اجرهلیشیگه هم آلیب کیلهدی دیگن.
بیلیم یورتنینگ مذکور استادی نینگ سوزلریگه کوره، جنسی مسالهلر توغریسیده معلومات بیریش افغانستانده بیر عیب حسابلنهدی و انه شو سبب هم هیچ بیر اداره بو توغریده معلومات بیریشگه جرعت قیلمهگن. اما، باشقه مملکتلرده حتی مکتب اوقوچیلریگه اوزینی – اوزی جنسی احتیاجینی قاندیریش مسالهلریگه عاید معلومات بیریلهدی.
