.jpg)
بیر قنچه سیاسی تحلیلچیلر افغانستان انسان حقوقلری بوییچه مستقل کمیسیوننینگ اوروش بار ولایتلردهگی انسان حقوقلری آیاق آستی ایتیلیشینی تنقید آستیگه آلیب، مذکور کمیسیوننی حادثهلرگه نسبتن ایکّی تامانلمه یاندهشه دی دیگنلر.
سیاسی تحلیلچی معین مرستیال، قندوز اوروشیده بیرقنچه یشاووچی هلاک بولیب و اونلب انسان تَن جراحتی آلدی، لیکن انسان حق و حقوقلری مستقل کمیسیون موضوع توغریسیده سُکت سقلهگن دیدی.
باشقه بیر سیاسی تحلیلچی محبالله شریفنینگ سوزلریگه کوره، انسان حق و حقوقلری بوییچه مستقل کمیسیون دستلب افغانستانده ایشلرینی دنیا معیارلری اساسیده ایلگری آلیب بارردی؛ بیراق کمیسیون اخرگی ییللرده انسان حق و حقوقلری مسالهسی توغریسیده ایکّی تامانلمه یاندهشه دیلر.
.jpg)
قندوز ولایتیده دوام ایتهدیگن اوروش بارهسیده خواطر بیلدیرگن انسان حق و حقوقلری بوییچه مستقل کمیسیوننینگ سوزلاووچیسی رفیعالله بیدار، کمیسیون هر بیر ولایتده دوام ایته دیگن اوروشنی قارهلب هیچ بیر زمان انسان حق وحقوقلری ایاغ آستی ایتیلیش مسالهسیگه جیم تورمهگن دیدی.
میزان آیی نینگ 14سیده قندوز طالبلر قولیگه اوتگندن اوچ کون سونگ کمیسیون بو ادارهنینگ رسمی ساستیگه بیر اعلامیه نشر قیلیب اوروش تامانلریدن تینچ اهالینینگ مالی و جانی سقلهنیشی سورهلگن. اما سیاسی تحلیلچیلر بونی ییترلی ایمس دیدیلر.
