بوگون "سهشنبه" تخار ولایتینینگ یشاوچیلریدن یوزلرچهسی برق یوقلیگی سبب ناراضیلیک بیلدیریب و مذکور ولایت مقامینینگ کیریش ایشیگینی یاپگن.
اوشبو اعتراضچیلر «برق ایستهیمز» شعاری بیلن محلی حکومت رسمیلرینینگ دقت سیزلیککه عیبلب و تخار ولایتینینگ 220 ولت برقی باغلهنیشینی سورهگنلر.
اعتراضچیلرنینگ ایتیشیچه، تیزلیکده تالقان شهرینینگ برقی باغلنمهگن صورتده، ناراضلیک نمایشلرینی کینگهیتیرهدی.
اولرگه کوره، تخار ولایتینینگ برقیگه دقت قیلینمهگن صورتده، محلی حکومتنی بوشهتیب و آوازبیرووچیلرنینگ رویخطگه آلیش مرکزلرینی باغلهیدیلر.
عین حالده، تخار حاکمی سوزلاوچیسی سنتالله تیمورنینگ ایتیشیچه، قندوز ولایتینینگ آقتاش تومنیده حربی عملیات یولگه قوییلیشی توغریسیده تیارگرلیکلر آلینگن و تالقان شهری تیزلیکده باغلنهدی.
مذکور اعتراضچیلر، 10 مادهلیک بیر شرطنامه ترقهتیب تخار برقی باغلهنیشی، ناقانونی قوراللی کیشیلر توپلهنیشی و تالقان شهری بیلن کوکچه اطرافیده بولگن تومنلرنینگ جادهلری قیر قیلینیشینی سورهگنلر.
تالقان شهری گه کیلهدیگن برق اوچ آی آلدین، طالبلر تامانیدن قندوز ولایتینینگ آقتاش منطقهسیدن کیسیلگن ایدی.
