.jpg)
افغانستان عامه ساغلیک وزیرلیگینینگ رسمیلری، قویاش 1394- ییلده پولیو کسللیگی بیلن تخصصی ایشچی یوقلیگینی ساغلیک بولیمی خصوصیده اساسی قیینچیلیکلردن دیب بیلهدی.
عامه ساغلیک وزیرلیگینینگ سوزلاوچیسی و خلق ارا علاقهلر ریاستی باشلیغی وحید مجروحنینگ سلاموطندارگه ایتیشیچه، 94- ییل ساغلیک بولیمی قیینچیلیکلر یانیده یخشی فرصتلر هم موجود بولگن.
جناب مجروحنینگ ایتیشیچه، اوشبو ییل عامهساغلیک وزیرلیگی، 54 خصوصی کسلخانهنی تیکشیریب و کوندهلیک معیارلرگه برابر قیلگن. اونگه کوره، مذکور وزیرلیک دولتی کسلخانهلرده هم ایشلهگن و بو کسلخانهلرنینگ کوپینچه تیز یاردم بولیملرینی قیته قوریب جهازلهگن.
اونینگ ایتیشیچه، کابلده ساغلیک خذمتلری یخشیلنیشی اوچون کسلخانهلرده ساغلیک خذمتلرینی تیکشیریب اوز پایانی ییتکیزگن و بو لایحه مملکت ولایتلریده دوام ایتماقده.
ساغلیک وزیرلیگینینگ اوشبو ملازمیگه کوره، مذکور وزیرلیک پولیو ویروسینی باشقریش اوچون بیرینچی اویغون مرکزینی ایجاد ایتگن و اوشبو مرکز ایشگه کیرگن صورتده، مذکور وزیرلیکنینگ پولیو کسللیگی توغریسیدهگی قیینچیلیکلری کم بولهدی.
شونینگدیک، ساغلیک وزیرلیگی سوزلاوچیسینینگ ایتیشیچه، ساغلیک بولیمی مستحکم لنیشی و ساغلیک خذمتلر معیاری بولیشی خصوصیده، مذکور وزیرلیک ساغلیک قانونی اوزگریشی و داکترلرنینگ فیسی کمهیتیریلیشی اوستیگه ایشلهیدی.
ساغلیک وزیرلیگی، 94- ییل سونگی کونلریده «وقتینچهلیک طبی ملی کینگش» تشکیل بیردی. مذکور کینگشنینگ، دولتی و غیر دولتی ادارهلردن 24 اعضاسی بار و بو کینگش داکترلردن حمایت قیلیش و کسللرنینگ مصؤنیتینی تأمینلش اوچون معیاری ساغلیک خذمتلرینی کوزهتیش خصوصیده ایشلهیدی.
.jpg)
مجروحنینگ ایتیشیچه، پاکستان مملکتینینگ مالی یاردمی بیلن 3 ینگی کسلخانه توزهلگن و نیچه آی ایچیده فایدهلنیشگه تاپشیریلهدی. شونینگدیک، باشقه ایکی ینگی کسلخانه قوشمه ایالتلر خلقینینگ یاردمی بیلن قویاش 1395- ییلده قوریلیشی خصوصیده قرار قیلینگن.
بیراق، افغانستانده ساغلیک خذمتلری ارایه ایتیلیشی توغریسیده خلقنینگ ناراضیلیگی دوام ایتماقده و حاضرگچه هر ییل مملکت یشاوچیلریدن یوزلرچهسی کسللرینی دارولش اوچون مملکتدن تشقری سفر قیلهدی.
کابلده سردار محمد داوود خان حربی کسلخانهسینینگ صحنیده بیر عیال باله دنیاگه کیلتیرگن تصویر نشر ایتیلیشی یشاوچیلرنینگ کوپینچه تنقیدلریگه روپهره بولدی.
بیراق، ساغلیک و مدافعه وزیرلیکلرینینگ رسمیلری، مذکور کسلخانهده هر قندهی ایش سیزلیکنی رد ایتیب و مذکور عیالنینگ واقعهسی خصوصیده کسلخانهنی ایکی ایشچیسی توتقونگه آلیندی.
ساغلیک وزیرلیگینینگ رقملری اساسیده، افغانستان بویلب کمیده 23 مینگ ساغلیک مرکزی فعالیت قیلهدی و یشاوچیلردن یالغیز 65% ساغلیک خذمتلریگه قول تاپهدی.
