مملکت معارف وزیرلیگی نینگ مسووللری، وزیرلیک نینگ ینگی اوتکزگن حساباتیده مکتبلر آلتینچی صنف اوقوچیلری نینگ 45% حتی عادی متننی اوقیشده قادر ایمسلر دیدیلر.
معارف وزیرلیگی نینگ اورین باسری محمدابراهیم شینواری بوگون (شنبه) کابلده اوتکزیلگن ییغینده، مملکتده یاشلر و بالهلرنی اورگهتیش و اورگهنیش صفتینی آشیریش اوچون اون بیش ییل جریانیده عملگه آشیریلگن ایشلرگه قرهمی؛ لیکن، وزیرلیک هنوزگچه بیر قنچه قیینچیلیکلر بیلن روپهره دیگن.
جناب شینواری، معارف وزیرلیگی تامانیدن اوتکزیلگن حساباتده اوقوچیلرنینگ 31% 2+2 کبی عادی فورمولنی حل ایتیش قابلیتیگه هم ایگه ایمسلر دیگن. شونینگدیک 13% اوقوچیلر حتی آته و آنه سوزی و 11% ایسه حتی وطن کبی عادی بیر سوزنی یازیش اوقیش قابلیتیگه ایگه بولمهگن لیگی ایتیلهدی.
معارف وزیرلیگی نینگ اورین باسری، اورگهتیش و اورگهنیش صفتینی آشیریش اوچون ینگی لایحه ایشلب چیقاریلیشی اوستیده ایش جریانی بارلیگینی تیلگه آلگن.
عین حالده، جمهور رییس نینگ یخشی حکومتچیلیک ایشلری بوییچه مخصوص وکیلی احمدضیا مسعود، مملکت اوقوچیلری افغانستان ملی سرمایهسی حسابلنهدی زمانوی اورگهتیش تیزیمی جاری ایتیلیشی بیلن بولر ایچیدن ییتیشکن انسانلر چیقیهدی دیگن.
یونیسف نمایندهسی دنیلاپاتیلانینگ سوزلریگه کوره، افغانستان معارف قیینچیلیگی حل ایتیلیشی اوچون بو اداره هر تامانلمه همکارلیک قیلیشگه تیار دیگن.
معارف وزیرلیگی رسمیلری، مذکور وزیرلیک میلادی 2030- ییلگه قدر مملکت بولیب اورگهتیش و اورگهنیش صفتینی آشیریش اوچون معین لایحهلر نظرده توتگن دیگنلر.
