.JPG)
14- فبروی سیوگی خلق ارا کونیگه تینگ. بو کوندن دنیا بویلب نشانلهدی. اخیرگی ییللرده بو کوندن کابل و مملکتنینگ قطار ولایتلریده هم نشانلهنیب کیلماقده.
بو کونلرده بازار و هوتللرنینگ حال احوالی اوزگرگن. بو لر ایچیده کابلنینگ چیچک ساتوچیلیک دکانلری اوزیگه باشقه توس آلگن. یاشلر ایسه تورلی چیچکلر هدیه قیلیش بیلن معشوقلر کونگلینی قولگه کیریتهدی.
شونینگدیک اجتماعی صحیفهلر جملهدن فیس بوکدهگیلر اوز صحیفهلری آرقهلی بعضی چیرایللی چیچکلرنی ترقهتیب، خلق ارا عاشقلر کونینی اوز سیوگی لریگه بیلدیریشهدی.
کابلده فعالیت قیلهدیگن هوتللردن بیری سیویگی خلق ارا کونی مناسبتی بیلن اوز مشتریلری اوچون ایندیریب نظرده توتگن. بیز کیرگن هوتللردن بیریده قطار سیویشگنلر ولنتای مناسبتی بیلن تیارلهگن کیکنی تناول قیلشهدی.
کورینیشیچه، یاشلردن ایکی تهسی ایکی باغلم قیزیل چیچکنی بیر – بیراویگه ساوغه قیلگن. بیر – بیراولری بیلن کولیب قصه قیلیش بیلن بند بو یاشلر.
بو ایکی یاش نینگ اسمی الاهه و الماس. الماسدن قنچه وقت دن بیر و نیمه مناسبت بیلن بو قیز بیلن اورتاق بولدینگ دیگن سوالنی بیریشیم بیلن، مین تامانگه کولیمسیرهب، بوندن بیر ییل آلدین ایکیسی بیر – بیراوینی سویب قالگن لیگینی حکایه قیلدی. مذکور باله، بیر ییلدن بیری بو قیزگه کونگیل بیرگن. الماس و الاهه گه کوره، سیوگی خلق ارا کونینی نشانلشدن نیتلری، آز بولگنده بیر- بیراو لری بیلن اولتیریب، کیلهجک حیاتلری حقیده گپریب سوزلهشیش دیر.
یو سیویشگنلرنینگ ایتیشیچه، قطار یاشلر سیوگینینگ اصلی معنی سیگه توشونمهگنلر، انه شوسبب کوپینچه کیشیلر سیوگی سوزینی سلبی توشونه دیلر.
الاهه بیلن الماس یانیده ینه باشقه تورته قیز اولتیرگن، اولردن سیویشگنکونینی نشانلش فلسفهسی نیمهلیگی سورهگنیمده، اولر بو کون فقط ایکی کیشیگه چیکلهنیب قالمس لیگینی بیلدیریب، بو کوننی برچه یاشلر اوز سیوگیلری بیلن نشانلشلرنی ایتگنلر.
قیزلردن بیری سیویشگنلر کونی سنت و اسلام قدریتلری بوییچه ایتیشیچه، بوکوننی نشانلش اسلام قرهشیدن هم هیچ قندهی توسیق یوق، چونکه بوندهی کوننی نشانلش بیلن فقط کونلرینی سیونگی بیلن اوتکزیش دیر.
کابل، شهر نو چیچک ساتووچی دکانلر سیوگی خلق ارا کونی ایریم قیزیل تسمهلر همده بالونلر تیارلش بیلن نشانلگنلر.
تورموش اورتاغی اوچون چیچک آلگنی کیلگنلردن سمیع جهیش گه کوره؛ او، بوگون غربلیک و شرقلیکلرنی نظرده توتمسن، تورموش اورتاغیگه اوز سیوگیسینی بیلدیریش اوچون چیچک ساووغه بیریشهدی.
کابللیک عاشقلرنینگ کوپچیلیگی هنوز هم بو کون نیمه اوچون نشانلهنیشی نی بیلیمی دیلر، اوشبو کوننی نشانلشدن نیت فقط سیوگی لریگه خوشلیک اظهار قلیش دیر.
چیچک ساتووچیلردن بیری احمد نویدگه کوره، بوگون بازاری یخشی بولگن. او، سیوگیلر کونینی نشانلش اجتماعی صیفحهلر آرقهلی غربدنیاسیدن افغانستانگه کیلگن لیگینی تیلگه آلهدی.
