ننگرهار ولایتیده خودکش هجوم روی بیریشی بیلن 13 کیشی هلاک و 38 گه یقین شخص تن جراحتی آلگن. حادثه اوتگن کون ولایت سرخرود منطقهسیده روی بیریشی بیلن ملی اردو کوچلری هدفگه آلینگن.
ننگرهار ولایتی نینگ پولیس امنیت آمری سیدعباس سادات نینگ معلوم قیلیشیچه، حربی اورگهنیشلر اوچون کابل اورگهتیش مرکزی تامان کیلیش نیتیده بولگن اردو کوچلری نینگ بیر یولاووچی تشووچی بس موتری هجومگه بیریلگن.
ولایت حوزهیی کسلخانه باشلیغی احسانالله شینواری نینگ سلاموطندارگه حادثهده اولیب یرهلنگنلر بارهسیده ایتیشیچه، اولگنلر سانیگه آشیشی ممکن.
ننگرهار والیسی نینگ سوزلاوچیسی عطاالله خوگیانی هم حادثهده هلاک بولگنلر سانینی تأیید قیلیب، اولیب یرهلنگنلر برچهسی حربی کوچلر دیگن.
مدافعه وزیرلیگی نینگ سوزلاوچیسی هم حادثهنی تأیید قیلهدی، بیراق معلوم قیلیشیچه، حادثهده 26 کیشی یرهلنگن.
حادثه مسؤولیتینی طالبلر اوز زمهسیگه آلگن.
