مملکت امنیتی ادارهلری نینگ مسووللری قندوز – تخار شهری نینگ یولی ترافیک یوزیگه آچیلگنیدن خبر بیرگنلر.
عامه انتظام پولیس قوماندانلیگی نینگ سوزلاچیسی احمد جاوید نیازی، اوتگن کون (پنجشنبه) دن بویان افغان ملی کوچلری نینگ آلیب بارگن قوشمه حربی عملیاتلری جریانیده مذکور ولایتلر یولی جنگریلردن تازهلهنیب شاه یولده پوستهلر تاسیس بولگن لیگینی سلاموطندارگه بیرگن صحبتده ایتگن.
جناب نیازی، عملیاتده قوراللی طالبلرگه آغیر تلفات ییتکزیلگن دیدی. لیکن، اولدیریلگن جنگریلرنینگ توغریسیده انیق معلومات بیریشمهگن جناب نیازی.
عامه انتظام پولیس قوماندانلیگینینگ سوزلاووچیسی، عملیات دوامیده افغان حربلریگه جانی تلفات ییتمهگن لیگینی بیلدیرگن. ایتیلیشیچه، عمومی یول آقیمیده حربی پوستهلر قوریش ایشی باشلنگن.
قندوز – تخار یولی، قندوز ولایتی داخل اوشبو یولده تاسیس بولگن پولیس نینگ 8 پوستهسی جنگری طالبلر تامانیدن تصروف ایتلیشی بیلن قندوز ولایتیدن آواره بولگنلر ولایت نینگ علی آباد تومنی آرقهلی بدخشان و تخارگه بارگن ایدیلر.
