کوپچیلیگی ایراندن مملکتگه قیتگن بیر قنچه عیاللر گروهی شکلده حیات کیچیره دیلر. کته قسمی تحصیل آلگنلردن عبارت مذکور خاتین – قیزلر دولت و نا دولت اداره لریده ایش بیلن شغللنه دیلر. اولر، اجتماعی خوفسیزلیک مسالهلر باعث اوی یا- ده آپارتمانده گروهی شکلده حیات کیچیریشگه مجبور بولگن لیکلرینی ایتگنلر.
اوشبو خاتین – قیزلرنینگ تحصیلی ایش بیلرمانلیکدن دکترا درجهسیده بولگن. اوچ و ییتی کیشیلیک گروه تشکیل ایتیب کابل نینگ ایریم منطقهلریده حیات کچیره دیلر.
کامپیوتر بوییچه مهندسلیک درجهده تحصیل آلگن اوشبو خانملردن بیری شهلا صابری، آیلب کرایی اوی آلیش اوچون سعی و حرکت قیلگن، لیکن یکه بولگنی اوچون اوی تاپیشگه موفق بولمهگن لیگینی تیلگه آلگن. خانم صابری: « فقط یشش اوچون مینگلب اوی نینگ ایشیگینی اوره میز و مینگ بیر بهانه و ضمانت بیریش بیلن تورت کون کرایی اوی ایگهسی بوله میز.» دیدی.
او، یالغوزلیکده حیات کیچیریش ایستهگی بارلیگینی تیلگه آلسه – ده، اما قطار کیشیلرنینگ مساله اوچون فرقلی قرهشلری بولگنی سبب بوندهی یششگه راضی بولگن لیگینی بیلدیرگن.
ایرانده توغیلیب حقوق نینگ کارشناسلیک ساحهسیده مَلکه آشیرگن خانملردن بیری سمیه رضایی نینگ سوزلریگه قره گنده، اجتماعی امنیت بولمهگن لیگی باعث گروهی یششنی اوستون کورگن.
خانم رضایی، آسانلیک بیلن اورپا مملکتلریدن بیرگه اوزینی ییتکزیش امکاندن ییراق ایمس، لیکن تحصیلیدن فایده لهینب مملکتده خذمت قیلیش نیتی بارلیگینی ایتهدی.
مینگ بیر قیینچلیککه دوچار بولیب تورگن مذکور خانم سلاموطندارگه بیرگن صحبتیده اینگ کته قیینچیلیک ییش اوچون مناسب مکان بولمهگن لیگینی مثال صفتیده تیلگه آلهدی. اونینگ سوزلریگه کروه، « ایگهسی بولمهگن خاتینلرگه بیریله دیگن اوییمیز یوق» بو اوی ایگهلری نینگ دایم تیلگه آلهدیگن گپلری.
اوشبو قیزلردن باشقه بیری ایسه خانم حسنیه مهدوی. او، عایلهدن اوزاقلیک، نابرقرارلیک و یالغوز یشش اوچون بولگن سلبی قرهشلرگه قرهمی، لیکن آلگن تحصیلینی مملکت آبادانلیگی یولیگه صرفلش اوچون کیسیکن قراری بارلیگنی بیلدیرگن.
اوشبو خانم، حکومتدن یششلری اوچون مناسب بنا نظرده توتیب بو قتلمگه اعتبار بیریشنی سورهگن.
