اوتگن هفته، کابل قونالغهسی نینگ چیگره قوماندانی و باشلیغی جمهور رییس تامانیدن ایشدن آلیندیلر. ایشدن آلینیش نینگ اساسی دلیلی " ایشنی بجرمسلیک" بولگن. جمهور رییس غنی کابل قونالغهسی وضعیتینی تیکشیریش اوچون تشکیل ایتیلگن کمیسیون گزارشینی کوریب چیققندن کیین بو وتوغریده قراره قبول قیلیشگن.
بو حادثه باشقه بیر مملکتده یوز بیرگنده ایدی، اونچهلیک بیر مهم خبر بولمسدی. بو مساله باشقه مملکتلرده جمهور رییس تامانیدن کمدن – کم نظرده توتیله دیگن موضوع بولیشی ممکن. چونکه باشقه دولتلرده بو قبیل وظیفهلر تیگیشلی وزیرلیک یا مساله اوچون علاقهلی اداره گه باغلیق بولهدی. معلوماتلرگه قرهگنده، بو توغریده باشقه سوز یوق.
بو اداره ده اساسی نکته ایشگه بولگن تفاوت سیزلیک جمهور رییس غنینینگ کابل قونالغهسی مدیریتی و برچه ملازملریدن ناراضیلیک کورسه تیشیگه سبب بولگن. جناب غنی ملازملرنی اهالیگه نسبتن یاندهشگنینی نظرده توتیب، عمل قیلیگنی بعضاً انسانلرنی امیداوار قیلهدی. بو اوزاق ییللردن بیری خلقنی کوتگن مسالهسی دیر. کیشی ایشگه آلینگنده یا – ده دولت لوازمیدگه تعین ایتیلگن حالده، همه نرسهدن کوره یخشی معامله قیلیشی حرمتگه سزاوار موضوع.
دولت لوازمیگه کیلگن شخصنینگ بیردن – بیر ایشی قانون چهار چوبهسی اساسیده خلق ایشینی قیلیب مشکلینی برطرف ایتیش دیر. اما، بو مساله گه بیزنینگ مملکتده اونچهلیک اعتبار قره تیلمیدی. ایریم وقتلرده دولت ادارهلرینینگ عادی بیر ملازمی هم اوزینی یوقاری بیر سطح ده توتیب، اوزیچه قولیدن کیلگن ایشنی قیلیشگه گویا حلقی، حال بوکه بو نرسه دنیانینگ هیج بیر ییریده معلوم ایمس.
کابل قونالغه سیدهگی مدیریتی تفاوت سیزلیککه مملکتنینگ بیرینچی آدمی بولمیش جمهور رییس اعتبار بیریب، کیشیلردن ایش بورچینی ادا قیلمسلیک اوچون ایشدن آلیب چیتلتیریشی بو کته بیر فضیلت حسابلنهدی در حقیقت.
حال بوکه، بوندی یانده شیشلر فقط کابل قونالغهسیده چیکلهنیب قالیشی – یاقالمس لیگی توغریسیده بعضی بیر سواللر بار. بوندهی سوراققه جواب بیریش اوچون ینگی کمیسیون تشکیل بیریشگه احتیاج یوق. مملکتنینگ هر بیر اهالیسی بیلن صحبت قیلگن تقیرده، اوزلری انه شو ادارهلر بیریسی نینگ ملازمی یا مسوولی بولمه گنده، دولت اداره لریده بو قبل نا ملایمتلر بارلیگی حقیده شکوه وشکایتلر قیله باشلیدیلر.
بوگونکه کونده افغانستاننی اینگ قیین مسالهسی اداری فساد حسابلنهدی. بو موضوع ایسه ینه هم هر بیر ادارهنینگ مدیری یا ملازمی اوزینی خلققه جوابگر بیلمی، بعضن پاره آلیش بیلن اهالی ایشنی قانونی یول بیلن بجرگن کورستماقچی بولهدی.
جمهور رییسغنی نینگ اخیرگی وقتلرده کابل قونالغهسی ملازملری توغریسیده آلگن معقول قراری اوچون اوندن منتدارلیک قیلیش اورینی هم یوق ایمس. دولتنینگ باشقه بلند مرتبهلی رسمیلری هم، اوز ادارهلری آستیده بولگن محل ادارهلرگه اعتبار بیریش لری ضرور. اولر اوز ادارهلر آستیده بولگن ملازم لرگه جمهور رییس نینگ بوندهی بیر حرکتی فقط کابل قونالغهسیده چیکلهنیب قالمی، هر بیر اداره ده بوندهی مساله سیزلیگن حالده، حکومت بی فرق قالمس لیکنی بیلدیریش کیره ک. جمهور رییس باشقه موضوعلر توغریسیده هم بوندهی کیسیکنلیک بیلن قرار آلیشی کیرهک می؟ اگر بو سوال نینگ جوابی ایجابی بولسه بو توغریده امیدوار بولیش لازم.
