 - Copy 1.jpg)
اوقیدیگن موضوعلرینگیز مملکت قضایی سیستمهسیده تشکیل ایتگن فسادلردن کیلیب چقگن. فساد ترماغ شکلده تیزیم بدنیگه یوگورگن و هیچ بیر اداره و قوریلمه اوشبو عیبلاو و خیانتنی بوینیگه آلمهیدی.
سلاموطندار تامانیدن قولگه کیریتیلگن معلوماتلر اساسیده، ایچکی ایشلر وزیرلیگینینگ عمومی تذکره ریاستی تشقی فقرا ایشلری بوییچه ریاستی باشلیغی شفیقالله ابراهیمخیل، ۲۵/۱۲/۱۳۹۴ تاریخیده پاره خورلیککه عیبلنیب، کابل ولایتی جنایی جرملرنی تیکشیرووچی ریاست تامانیدن قولگه آلینگن؛ بیراق بیش کوندن کیین، باش قارهلاوچیلیکنینگ اداری فسادگه قرشی کورهشیش قارهلاوچیلیک ریاستی حکمی اساسیده قوییب یوباریلگن.
.jpg)
جناب ابراهیمخیل قولگه آلینهدیگن چاغیده ضبط ایتیلگن ویدیوگه کوره، غرب زونی قارهلاوچیلیک اعضاسی فواد فولاد، ایرتهلب ساعت 10:35 ده جنایی ریاست رسمیلری بیلن بیرگه جناب ابراهیمخیلنینگ ایش دفتریگه کیلیب و اونینگ میزیدن 6 یوز دالر چیقارهدی. اوشبو پوللرنی تانیش رقمینی اوزلرینینگ آلدیدهگی رویخط بیلن ماسلشتیریب و اوندن سونگ اونی توتقونگه آلهدی.
جناب ابراهیمخیلنینگ بیرینچی بیاناتیده یازیشیچه، اورتاغی بیر کیشینی اونگه تانیشتیرهدی و اوندن مذکور کیشینینگ قیینچیلیگینی حل ایتیشینی سورهیدی. اوشبو کیشینینگ ایشی تشقی ایشلر وزیرلیگیده قیینچیلیککه دوچ کیلگن ایکن. جناب ابراهیمخیلنینگ ایتیشیچه، او تشقی ایشلر وزیرلیگیده دلاللیک قیلهدیگن دوستیدن مذکور کیشینینگ قیینچیلیگینی حل ایتیشینی سورهگن؛ بیراق، دلال بو ایش اوچون 6 یوز دالر ایستهیدی.
.jpg)
باشقه بیر حجتگه کوره، نبینینگ اوغلی توریالی ناملی بیرکیشی کابل جنایی تیکشیرووچی ریاستیگه عرضه قیلیب یازیشیچه، اونینگ قرینداشلریدن اوچ کیشی کیملیک آلیش اوچون ایچکی ایشلر وزیرلیگی عمومی تذکره ریاستیگه مراجعت قیلهدیلر، بیراق تشقی فقرا ایشلری بوییچه ریاست باشلیغی اولردن 6 یوز دالر پاره ایستهیدی.
تشقی فقرا ایشلری بوییچه ریاست باشلیغینینگ فسادگه عیبلنگن دوسیهسی اداری فسادگه قرشی کورهشیش قارهلاوچیلیک ریاستیگه یوباریلگن بیرچاغیده، جناب ابراهیمخیلنینگ ادعاقیلیشیچه، یوقاریده حکایه بولگن بیاناتنی او یازمهگن و اونینگ آتیگه یازیلگن. بیراق، دوسیه فسادگه قرشی کورهشیش دستلبکی محکمهگه یوباریلگن بیرچاغیده، جناب ابراهیمخیل، ایلگری بیاناتلریگه قرشی ادعا قیلهدی کیم، اوندن همایون ناملی بیر کیشی 6 یوز دالر قرضداری ایکن و بو قرضدارلیک رویخطینی محمدداوود ناملی کیشی یازگن.
.jpg)
قارهلاوچیلیک حکمی بیردن اوزگریب و جناب ابراهیمخیل گناهسیز تانیلیب قوییب یوباریلهدی. فساد دوسیهگه علاوه او قولگه آلینگن ویدیو دستلبکی محکمهگه یوباریلمهی و شونینگدیک، دستلبکی محکمه برچه حجت، توریالینینگ عریضهسی، توتقونگه آلیش و ابراهیمخیلنینگ بیاناتینی نظرگه آلمهی و یالغیز قضیهگه داخل بولمهگن داوود ناملی کیشینینگ قرضدارلیک رویخطینی یازیش ادعا اساسیده، دوسیهنی قیتهدن اداری فسادگه قرشی کورهشیش قارهلاوچیلیک ریاستیگه یوبارهدی.
اوشبو گزارش مملکت قضایی سیستمهسیده مالی و اداری فساد خصوصیده بولگن مینگلرچه دوسیهدن اورنک دیر. قانونی کمچیلیکلر و شونینگدیک شوندهی بیر قضیهلر خصوصیده، قارهلاوچیلر و قاضیلرنینگ بیفرق یاندهشی سوراو توغدیرهدیگن مسئلهلردن بولگن. جناب ابراهیمخیلنینگ دوسیهسی دیک دوسیهلرگه دولت آیاغی هم اورتهگه قالگن. دولت تشکیلاتیده هیچ بیر اداره یا- ده کیشینینگ بوندهی دوسیهلرنی نظرگه آلمهی و عدالتنی آیاق آستی قیلیشگه حقی یوق دیر.
