افغانستان بوییچه ساغلیقنی سقلش وزیرلیگی، خلق ارا ساغلیک تشکیلاتی یاردمی بیلن کرونا ویروسیگه چلینگنلر خصوصیده بیر تدقیقات انجام بیرگن و مذکور تدقیقات گه کوره، 10 میلیون دن آرتیق کیشی بو ویروسگه چلینگن.
بوگون "چهارشنبه" ساغلیقنی سقلش وزیرلیگی سرپرستی احمدجواد عثمانی نینگ خبری بیر ییغینده ایتیشیچه، مذکور تدقیقاتگه کوره، مملکت یشاوچیلریدن 31.5% کرونا ویروسیگه چلینگن.
اوشبو تدقیقاتگه کوره، افغانستانده کرونا ویروسیگه چلینگنلرنینگ سانی 10 میلیون کیشیگه ییتیشهدی و بو جملهدن 37% شهرلر، 27%، تومنلر و 32% اویلرده چلینگن.
مذکور تدقیقاتگه کوره، کابل یشاوچیلریدن 53%، شرقی ولایتلر یشاوچیلریدن 42.9%، مرکزی ولایتلر یشاوچیلریدن 36.3%، غربی ولایتلر یشاوچیلریدن 34.1%، شمالشرقی ولایتلر یشاوچیلریدن 32.4% و مرکزی ولایتلر یشاوچیلریدن 21.1% کرونا ویروسیگه چلینگن.
جناب عثمانی نینگ ایتیشیچه، بو تدقیقات گه کوره، یالغیز کابل ولایتیده 46.4% باله لر کرونا ویروسی گه چلینگن، بیراق اوشبو باله لردن هیچ بیری کسلخانه گه بستری بولمه گن و درمان لنگن دیر.
ساغلیقنی سقلش وزیرلیگی سرپرستی نینگ کوپهیتیریشیچه، مملکتده کرونا ویروسیگه چلینگنلرنینگ سانی کوپهیگن ایمس، بیراق بو ویروس نزولی شکلده دوام قیلماقده.
اونینگ ایتیشیچه، اوتگن 24 ساعت جریانیده مملکت بوییچه کرونا ویروسیدن 47 ینگی ایجابی واقعه قید ایتیلگن.
ساغلیقنی سقلش وزیرلیگی نینگ سرپرستیگه کوره، اوتگن بیر کیچه و کندوز ده کرونا ویروسیگه چلینگنلردن 186 تهسی درمانلنیب و باشقه 6 تهسی دنیا دن اوتگن.
کرونا ویروسیدن اوشبو ینگی ایجابی واقعه شامل، حاضرگهقدر مملکت بوییچه 36829 کیشی کرونا ویروسیگه چلینگن و بو جملهدن 25742 تهسی درمانلنیب و باشقه 1294 تهسی دنیا دن اوتگن.
ساغلیقنی سقلش وزیرلیگی نینگ تاکید قیلیشیچه، بیر مرته کرونا ویروسیگه چلینگنلر، ایکینچی مرته هم بو ویروسگه چلینیشلری ممکن.
ساغلیقنی سقلش وزیرلیگی مسووللری، افغانستان یشاوچیلریدن کرونا ویروسیگه چلینمهیشلری اوچون ساغلیک توصیهلرنی رعایت قیلیشلرینی سورهگن.
حاضرگهقدر دنیا بوییچه 18 میلیون و 716 مینگ کیشی کرونا ویروسیگه چلینگن و بو جمله دن 704 مینگ تهسی دنیا دن اوتیب و باشقه 11 میلیون و 935 مینگ تهسی درمانلنگن.
