ساغلیک وزیرلیگی مملکت نینگ ۹ ولایتده کرونا ویروسی نینگ ۳۸ ینگی ایجابی واقعهسی قید ایتیلگنیدن خبر بیردی.
بوگون (یکشنبه ۱۷- حمل) ساغلیک وزیرلیگی سوزلاوچیسی وحیدالله مایار نینگ ایتیشیچه، بولردن ۱۰ واقعه کابل، ۱۰ واقعه هرات، ۸ واقعه قندهار، ۳ واقعه پکتیا، ۲ واقعه بلخ، ۲ واقعه سمنگان و بیر بیر واقعه کاپیسا، تخار و زابل ولایتلریده قید ایتیلگن.
اوشبو ۳۸ ینگی واقعه قید ایتیلیشی بیلن مملکت کرونا ویروسی گه چلینگنلر رقمی ۳۳۷ کیشی گه ییتیشدی.
عین حالده ساغلیک وزیرلیگی نینگ ایتیشیچه، لوگر ولایتیده کرونا ویروسی گه چلینگن ایکی کیشی و شونینگدیک باشقه بیر کیشی ایسه کابل ولایتیده دارولنگن.
حاضرگچه مملکت بوییچه ۱۵ کیشی دارولنگن و باشقه ۷ کیشی مذکور ویروس باعث جان بیرگن.
دولت کرونا ویروسی نینگ کینگهیشی نی آلدینی آلیش اوچون کابل شامل ممکلت نینگ نیچه ولایتیده کیلیب-کیتیش یوزیگه چیکلاو یرهتدی. بیراق ساغلیک و ایچکی ایشلر وزیرلیگی مسئوللری نینگ ایتیشلریچه، اهالی دولت تامانیدن تعیین ایتیلگن چیکلاو گه توجه قیلمهیدی.
