افغانستانده کانکور سیناویده ناکام قالیش میزانی آشگنلیگی توغریسیده خواطر موجود بولگن بیر چاغده مملکتده خلق ارا محصللر کونی نشانلنماقده. مملکت محصللر انجمنینینگ باشلیغی هر ییل کانکور سیناویده اشتراک قیلهدیگن اوقوچیلر سانی 120مینگگه کوپهیب بارماقده بو رقم ایسه کیلگوسی بیش ییلده بیر میلیونگه ییتهدی حال بوکه مملکت بیلیم یورتلر بو سانده محصلنی جذب قیلیش قابلیتگه ایگه ایمس.
خلقارا محصللر کونی مناسبتی بیلن اوتکزیلگن ییغینده سوز لهگن اوشبو انجمن رییسی محمد ظاهر اون ایکینچی صنفنی بیتیرگنلر جذب ایتلیشی اوچون مناسب حل یول قدیریلیشی کیرهک لیگی بارهسیده تاکیدلهگن.
بوگون (سهشنبه) عقرب آیینینگ 26- سی خلق ارا محصللر کونیگه تینگدیر. اوشبو کون نشانلش مناسبتی بیلن افغانستان عالی تحصیلات وزیرلیگی دولت بلند مرتبهلی رسمیلر، سیاستچیلر و استادلر میزبانی بولگن. خلق ارا محصللر کونی مناسبتی بیلن اوتکزیلگن ییغینده سوزلهگن عالی تحصیلات وزیری خام فریده مومند اوتگن 14 ییلده یاشلر اوچون طلایی فرصتلر یرهتیلگن لیگینی ایتیب مملکتده اورگهتیش صفتی آچیریلیشی اوچون ییترلی درجهده امکانیت یرهتیلگن لیگی حقیده تاکیدلهگن.
اما، قطار محصللر درسلیکلر صفتسیزلیگی و استادلرنی اورگهتیش شیوهسیدن شکایت بیلدیریب، استادلرنی قوشنی مملکتلر کتابلریدن ادبی اوغیرلیککه عیبلهگنلر. تحصیل یونلیشیده نا برقارلیکلرنی اساسی قیینچلیکدیگن محصللر بو توغریده حکومتنی جدی اعتبار قرهتیشگه اونده گنلر.
عین حالده، بوگون مذکور ییغینده سوزگه چیققن افغانستان سابق جمهور رییسی حامد کرزی افغانستانلیک یاشلردن مملکتنی ترک قیلمی افغانستاننی قیته قوریش اوچون حصه قوشیشلرینی سورهگن.
ایریم گزارشلرده 1381-ییلده مملکت بویلب محصللر سانی 8 مینگ نفر بولگن و عیاللر سانی ایسه تقریبا صفر ایکنی قید ایتیلگن. لیکن بو رقم حاضر ایسه یوز مینگدن کوپیگن. محصللرنینگ 30%نی قیزلر تشکل ایتهدی. شونینگدیک 12 محصل ایسه تشقی مملکتلرده لیسانس و ماسترلیک سویهسیده تحصل آلماقدهلر.
