کابل شهردارلیک سرپرستی عبدالاحد واحد، کابل شهرینینگ ایریم منطقهلریده 70% یشش اویلر اوزباشیمچه همده نقشهسیز قوریلگن دیگن.
بوگون کابلده «شهر» خلق ارا کونی مناسبتی بیلن اوتکزیلگن ییغینده اشتراک قیلیب سوزلهگن شهردارلیک سرپرستی، شهری امکانیت، تینچ و گوزهل یشش بنالر، تجاری ساحهلر و بازرگانی علاقهلر اوچون مناسب شرایط بیر شهر اوچون بنیادی ومعیاری ارزشلرنی نظرده توتیش دیگن.
عین حالده، پایتخت شهردارلیگی سرپرستی کابل شهری قیته قوریلیشی و خیابانلر قوریلیشی بارهسیده خبر بیرگن.
شونینگدیک ییغینده قتنشگن شهر قوریش وزیرلیگینینگ قوریلیش ایشلری بوییچه اورین باسری امرالدین سالک برنامهلر تیگیشلی ادارهلر و وزیرلیکلر بیلن هماهنگلیکده عملی ایتیلیشینی سورهگن.
جناب سالک، شهری لولهکشلیک سیستم، بیکت و شهری حمل و نقل سیستمی بولمهگنلیگی کابل شهریدهگی قیینچیلیکلردن دیگن.
ییغینده اشتراک قیلگن بیرلشگن ملتلر تشکیلاتی اسکان «HABITAT» ادارهسی سرپرستی هیروشی تاکابایاشیگه کوره، افغانستانده شهری ترقیات و وضعیت یخشی لهنیشی اوچون بولگن همکارلیکلریگه دوام بیرهدی.
پایخت شهردارلیک مسؤوللریگه کوره، بیر آیده 175 کیلو متردن عبارت کابل نینگ حلقه یولی قوریلهدی و مذکور لایحه یکونلهنیشی بیلن پاتخت خیابانلرده گوجوملیک آلدی آلینهدی.
