سرپل ولایتی نینگ محلی بلند مرتبهلی رسمیلری ایکّی سینگلی نا معلوم قوراللی شخص تامانیدن آتیب اولدیریلگن لیگی بارهسیده خبر بیردیلر.
سرپل ولایتی والیسی نینگ سوزلاوچیسی ذبیح الله امانی، اوشبو آپه اوکه اوتگن کون کیچقرون سانچارک تومنی نینگ بازارباشی قیشلاغیده نا تانیش قوراللی شخصلر طرفیدن آلتیب اولدیریلگن لیکلرینی اعتراف قیلگن.
جناب امانی، حادثه شخصی دشمنلیکلردن کیلیب چیقیشی ممکن دیدی. اونینگ سوزلریگه کوره، مذکور ایکّی سینگلیدن بیر بوندن نیچه آی آلدین تورموش اورتاغی اویینی ترک قیلگن ایدی. اما، اوشبو قیزنینگ آپهسی یزنهسی همکارلیگی بیلن بو عیالنی قیتهدن تورموش اورتاغی نینگ اوییگه آلیب باره دیگن پیتده یولده نشانگه آلینیب اولدیریلگنلر.
سرپل ولایتی والیسی نینگ سوزلاوچیسی، واقعهدن سونگ سینگلینینگ تورموش اورتاغی و موتر هیداووچیسی ایسه محلدن قاچگنلر دیدی. لیکن، پولیس بولرنی قولگه آلیشگه اولگورگن لیگی ایتیلهدی.
