دایکندی عیاللر ایشلری بوییچه ریاستنینگ مسووللری، ولایتده مخدر مادهلرگه بیریلگن عیاللر سانی آشگنلیگی توغریسیده خواطر بیلدیریب، مخدرمادهلرگه بیریلگن خاتینلرنی دوالش اوچون بیر بستر هم یوق دیگنلر.
دایکندی ساغلیقنی سقلش ادارهسی مسووللرینینگ حساباتیده، ولایتنینگ چمهسی 5% عیاللری مخدر مادهلرگه بیریلگنلیکلری قید ایتیلگن.
دایکندی خاتین – قیزلر ایشلری بوییچه باشقرمه رییسی ذکیه رضایی، ولایتدهگی مخدر مادهلرگه بیریلگن خاتینلر قشلاقلیکده حیات کیچیریشلرینی سلاموطندار ترماغیگه ایتگن. او، بو قیینچیلیک خاتین – قیزلرنی زناگه مجبور قیلگنلیگی توغریسیده خواطرلر بار دیگن.
حاضر ولایت بویلب مخدر مادهلرگه بیریلگنلرنی دوالش اوچون بیرته شفاخانه موجود؛ بو مرکز 20 کیشینی دوالش قابلیتیگه ایگه. دایکندی ساغلیقنی سقلش ریاستینینگ مسووللری، بو دوالش مرکز یالغوز ایرککلرگه اختصاصلشتیریلگن و شفاخانهده عیاللرنی دوالش اوچون رخصت بیریلمهگنلیگینی بیلدیرگنلر.
.jpg)
وضعیتدن تشویش بیلدیرگن بیر قنچه خاتینلر، دولتدن اوشبو عیاللر دوالهنیشی اوچون شرایط یرهتیشنی طلب قیلگنلر.
دایکندی مخدر مادهلرگه قرشی کورهش ادارهسی مسووللری، بو معما حل ایتیلیشی اوچون مخدر مادهلرگه قرشی کورهش وزیرلیگیدن کومک سورهگن لیکلرینی تیلگه آلگنلر.
مذکور ولایت مخدر مادهلرگه قرشی کورهش حقوقنی محافظه قیلیش مدیری صفدر زارع، ولایت بویلب عیاللر بنگیوار مادهسیگه بیریلمسلیکلری اوچون خبردار قیلیش دستوری باشلنگن دیدی.
دایکندی، کوکنار ییتیشتیریلمیدیگن ولایتلر جملهسیدن؛ ولایتگه مخدر مادهلر قاچاق قیلینیب آلیب باریلیشی اوچون محلی حکومت کوچ سیزلیگی مذکور ولایتده عیاللر و ایرککلر بنگیوارد مادهسیگه بیریلیشی اوچون بیرینچی عامل ایکن لیگی ایتیلهدی.
