ننگرهار پولیس قومندانلیگینینگ جنایی جریملرگه قرشی کورهش مدیری محمداکبر جاویدنینگ ایتیشیچه، بیر عیال اوتگن کیچه ساعت 12 اطرافیده تورموش اورتاغی(ایری) و 5 یاشر بالهسینی اوشبو ولایت سرهرود تومنینینگ نغرک منطقهسیده اوتگه تارتگن.
اونینگ ایتیشیچه، مذکور عیالنینگ تورموش اورتاغی(ایری) و بالهسی بو واقعهگه جان بیرگن.
جناب جاویدنینگ کوپهیتیریشیچه، مقتولنی عایله اعضاسیگه کوره، اوشبو عیال تورموش اورتاغی(ایری) و بالهسینی قصدا اوتگه تارتیب اولدیرگن.
ننگرهار پولیس قومندانلیگینینگ جنایی جریملرگه قرشی کورهش مدیریگه کوره، عایلهوی قیینچیلیکلر باعث، بو واقعه یوز بیرگن.
جناب جاویدنینگ ایتیشیچه، مذکور عیال قولگه آلینگن و بیرینچی تحقیقاتگه اوز عیبینی بونیگه آلگن.
ننگرهار پولیس قومندانلیگینینگ جنایی جریملرگه قرشی کورهش مدیرینینگ کوپهیتیریشیچه، بو عیال باشقه اوچ بالهسی قوتقرگن.
عینحالده، محل یشاوچیلریدن بیری کیملیگی سیر قالیشنی ایستهب سلاموطندارگه ایتیشیچه، مذکور عیال بیرینچیدن تورموش اورتاغیگه بنگیوار ماده بیریب و کیچهنی یرمیگه تورموش اورتاغی و قیزینی اوتگه تارتیب اولدیرگن.
ننگرهار محلی مقاملری و عیاللر ایشلری بوییچه ادارهسی حاضرگهقدر بو توغریده صحبت قیلمهگن.
شونینگدیک انسان حقلری کمیسیونینی ولایتی باشلیغی صبرینا حمیدینینگ ایتیشیچه، اوشبو واقعهنی تیکشیریش اوچون محلگه بیر هیأتی یوبارگنلر.
