افغانستانده اروپا اتفاقینینگ نمایندهسی فرانزمایکل ملبین، مملکتده انسان حق و حقوقی وضعیتی بارهسیده خواطر بیلدیرگن. او، بوگون (چهارشنبه) کابلده اوتکزیلگن خبری بیر ییغینده، بالهلر و عیاللر حقینی بوزیش، اعدام و قیناق، سوز ایرکین لیگینی بوزیش، تینچ اهالی اولدیریلیشی، عدالتگه قول تاپمسلیک و ناگرانلر حق و حقوقینی کوزگه توتمسلیک افغانستانده انسان حقلری وضعیتی اوچون اروپا اتفاقینی تشویشگه قویگن مسالهلردن دیگن.
جناب ملبین، افغانستانده انسان حق حقوقلری وضعیتی خواطرلی بولیشیگه قرهمی؛ لیکن، اروپا بیرلیگی حکومتنینگ بو ساحهده آلیب بارگن سعی وحرکتلرینی آلقیش لیدی دیگن. او، افغانستان حکومتیدن بو سعی وحرکتلرگه دوام بیریشینی طلب قیلگن.
افغانستانده انسان حق وحقوقلری نهادیه بولیشی اوچون اروپا بیرلیگی اوز همکارلیکلریگه دوام بیرهدیدی دیگن خانم ملبین. شونینگدیک او، افغانستان حکومتی انسان حق وحقوقلری ساحهسیده کوپراق ایش قیلیشده وارسا خلق ارا ییغینی حکومت اوچون مهم بیر کنفرانس دیگن.
مجلسده جمهور رییسنینگ ایکینچی اورین باسری سرور دانش، انسان حق و حقوقلری تامین بولیشی اوچون حکومتنی کوچلی ارادهسی بارلیگیدن سوز بیرگن. دانش، حکومت بو توغریده بیرگن وعدهلری اوچون عمل قیلهدی دیگن.
دانشنینگ سوزلریگه قرهگنده، حکومت حاضرگی کونده ییریک معمالر بیلن روپه ره بولیشیگه قرهمی، انسان حق وحقوقلری تامین بولیشی اوچون اساسی آدیملر کوتارگن دیگن. جمهور رییسنینگ اورین باسری، مساله اوچون هنوز هم حکومت دنیا یاردملریگه احتیاجی بارلیگی اوستیده اورغولهگن.
عین حالده، افغانستان تشقی ایشلر وزیرلیگی، افغانستان 2017- ییلده نیویارک ده بیرلشگن ملتلر تشکیلاتینینگ انسان حق حقوقلری کینگشی سیلاولریده اوزینی نامزد قیلیشینی بیلدیرگن.
