افغانستان ساغلیقنی سقلش وزیرلیگی نینگ یوقاری مرتبهلی رسمیلری، دنیا بویلب کوکرهک کسللیگیگه قرشی کورهش آلیب باریش جهان ساغلیقنی سقلش تشکیلاتینینگ بیرینچی ایشلریدن بولیشیگه قرهمسدن، بیراق مملکتده کوکرهک کسللیگی طفیلی حیاتدن کوز یومه دیگنلر سانی هنوز کَمیمهگن دیگنلر.
بوگون یکشنبه کابلده « کوکرهک بیزی سرطانی حقیده خبردارلیگنی آشیریش کمپاینی» ناملی ییغین وزیرلیک بلند مرتبهلی رسمیلری اشتراکیده اوتکزیلگن.
مملکت ساغلیقنی سقلش وزیری فیروزالدین فیروز، افغانستانلیکلر دنیانینگ بعضی مملکتلری کبی اقتصادی قشلاقلیک همده صحی مسالهلر توغریسیده معلوماتلری بولمهگن لیگی باعث یوقمه بولمهگن کسللیک سبب ییلده 20 مینگ عیالدن جان آلهدی دیگن.
ساغلیقنی سقلش وزیرلیگی سیمیزلیک، حرکت قیلمسلیک، کوپ ایچکیلیک استعمال قیلیش، بلاغتگه ییتمسدن حیض کوریش و حاملهدار بولمسلیک کبی عامللر کوکرهک بیزی سرطانیگه چلینیش آشیشی نینگ اصلی سببلردن دیگن.
عین حالده، سرطانگه قرشی کورهش بنیادب نینگ باشلیغی خانم شینکی کروخیل، خاتینلر کمیده بیر آیده بیر مرته کوکرهکلرینی طبی کوریکدن اوتکزیشلری کیرهک لیگی اوستیده تاکید ایتگن. طبی کوریکده عیاللر کوکرهکلریگه اوزگریش کورگن حالده، داکترگه مراجعه قیلیشلری حتمی دیدی خانم کروخیل.
کابل طبیات فاکولتهسینینگ باشلیغی شرین آغا ظریف، سرطان کسللیگی هر بیر اون تورت دقیقهدن دنیا بویلب بیر کیشی حیاتیگه نقطه قویهدی دیگن. اونگه کوره، میلادی 2030ییلگه قدر رواجلنمهگن مملکتلرده اولیم میزیانی نینگ 70 فایزینی سرطان کسلیگی طفیلی عالمدن اوتگنلر تشکیل ایتهدی.
ساغلیقنی سقلش وزیرلیگی سرطانگه قرشی کورهش بنیادی ایجاد ایتیلگنلیگیدن علاوه ایتالیا دولتینینگ همکارلیگی بیلن هرات حوزهوی ساغلیقنی سقلش مرکزیده سرطان کسللیگی اورگهنیش مرکزی تاسیس بولگنینی معلوم قیلگن. بو مرکزده هنوزگچه 300 مورد سرطان کسللیگی بیلگی لنگن.
سرطان کسللیگینی اورگهنیش مرکزی بوندن 60 ییل آلدین کابل نینگ علیآباد شفاخانهسیده تاسیس بولگن ایدی، اما ایچکی اوروشلر آقیمیده بو بولیم بوتونلی ویران بولیب نابود ایتیلگن.
