افغانستان ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده کرونا ویروس گه شبههلی 978 کیشی دن آلینگن نمونه دن 18 ولایتده 575 کیشی نینگ نتیجهسی مثبت تشخیص قیلینگن.
ساغلیقنی سقلش وزیرلیگی تامانیدن بیریلگن رقملر اساسیده، اوتگن 24 ساعت جریانیده رویخط گه آلینگن واقعهلر شامل مملکت ده کرونا ویروس گه چلینگنلرنینگ سانی 20 مینگ و 917 کیشی گه ییتیشگن.
مذکور وزیرلیک نینگ ساغلیک خذمتلری بوییچه اورین باسری وحید مجروح نینگ ایتیشیچه، اوتگن بیر کیچه-کوندوز ده 193 کیشی کابل ده، 151 کیشی هرات ده، 39 کیشی قندهار ده، 39 کیشی هلمند ده، 26 کیشی کنر ده، 23 کیشی ننگرهار ده و 22 کیشی لوگر ده کرونا ویروس گه چلینگن.
شونینگدیک، اونینگ ایتیشیچه، بادغیس و پروان ده 13-13 کیشی، غور و نیمروز ده 10-10 کیشی، زابل ده 8 کیشی، میدانوردک و پکتیا ده 7-7 کیشی، دایکندی و تخار ده 5-5 کیشی، لغمان ده 3 کیشی و بدخشان ده 1 کیشی نینگ نتیجهسی مثبت اعلان قیلینگن.
وحید مجروح نینگ کوپهیتیریشیچه، اوتگن 24 ساعت جریانیده کرونا کسللریدن 329 تهسی قیته ساغهیگنی و باشقه 12 تهسی جان بیرگنی معلوم قیلینگن.
افغانستانده حاضرگهقدر کرونا ویروس کسللریدن 369 تهسی جان بیرگن و باشقه 2 مینگ و 171 تهسی قیته ساغهیگن.
