افغانستان ملی وحدت شهیدی عبدالعلی مزاری‌نی 24- ییل تروری‌دن نشان‌لش مراسمی اوستیگه راکتی هجوم صورت تاپیب و مراسم لغو ایتیلدی.
عینی شاهدلرنینگ ایتیشیچه، مراسم یولگه قوییلگن محل‌نینگ ییقین‌لریده 24 پارتلش یوز بیرگن. گزارشلرگه کوره، نیچه هاوان اوقی شهید مزاری مصلای‌سی‌نینگ اطرافیده بولگن اوی‌لرگه توشگن.
ایچکی ایش‌لر وزیرلیگی‌نی سوزلاوچی‌لیک دفتری‌نینگ سرپرستی نصرت رحیمی‌نینگ ایتیشیچه، هجومچی 6- حوزه ساحه‌سیده بیر مسکونی اوی‌گه جای‌لشگن ایکن. اونینگ ایتیشیچه، هجومچی قولگه آلینگن و راکت اوقی آتیلگن منطقه امنیتی کوچلر تامانیدن قمراوگه آلینگن.
ساغلیق‌نی سقلش وزیرلیگی‌نی سوزلاوچیسی وحیدالله مایارنینگ توییتر صحیفه‌سیده یازیشیچه، بو واقعه‌ده 17 کیشی یره‌لنیب و باشقه 1 کیشی هلاک ایتیلگن.
گزارشلرگه کوره، جمهورلیک ریاستی نامزدلریدن بیری عبدالطیف پدرام و باشقه 3 باله و بیر عیال یره‌لنگنلر جمله‌سیدن دیر. ملی خوفسیزلیک سابق مصلحتچی‌سینی مطبوعاتی دفتری‌نینگ اعلان قیلیشیچه، بو واقعه ده جناب اتمرنینگ قوروقچی‌لریدن 8 ته‌سی یره‌لنگن دیر.
