افغانستان ملی خوفسیزلیک کینگشی نینگ اعلان قیلیشیچه، طالبان محبوسلریدن 80 تهسی پلچرخی قماقخانهسیدن آزاد قیلینگن.
ملی خوفسیزلیک کینگشی نینگ بیرخبرنامه آرقهلی اعلان ایتیشیچه، مذکور محبوسلر اوتگن "پنجشنبه" کونی آزاد قیلینگن. مملکت جمهور رئیسی محمداشرف غنی 4 کون آلدین تینچلیک بوییچه مصلحتی لویهجرگه قراریدن سونگ، طالبان 400 محبوسی نینگ قوییب یوباریلیش فرمانینی امضا قیلگن ایدی.
حکومت مسووللری نینگ ایتیشیچه، طالبان 400 محبوسی آزاد قیلینیشی بیلن افغانستانلیکلر ارا سوزلشوولر خصوصیده طالبان نینگ بهانهسی یکونلنهدی.
ملی خوفسیزلیک کینگشی نینگ کوپهیتیریشیچه، آزاد قیلینگن محبوسلر قیتهدن اوروش میدانیگه بارمهیشلری توغریسیده سوگند یاد قیلگنلر.
افغانستان دولتی قماقخانهده بولگن 400 طالبنی قوییب یوباریلیشی خصوصیده قرار قیلیش مقصد ده اوتگن هفته مصلحتی لویهجرگه یولگه قویگن ایدی و لویهجرگه اعضالری طالبان نینگ قوییب یوباریلیشینی ایستهگن ایدیلر.
