بغلان عیاللر ریاستی مسؤوللرینینگ ایتیشیچه، شوییل باشلهنیش ایکی آی جریانیده مذکور ریاست روی خطگه آلینگن عیاللرگه قرشی یوزبیرگن قیناق میزانی اوتکن ییلگه قدر یوقاری درجهده کوتاریلگن.
چهارشنبه کونی بیر خبری ییغینده بغلان ولایتی عیاللر ریاستینینگ باشلیغی خدیجه یقیننینگ ایتیشیچه، اوتکن ییل عیاللرگه قرشی یوزبیرگن 261 قضیه روی خطگه آلینگن ایکن؛ بیراق، بو ییل ایکی آی جریانیده 120 قضیه مذکور ریاست ده گزارش بیریلگن.
خانم یقیننینگ کوپهیتیریشیچه، بغلان ولایتیده عیاللرگه قرشی یوزبیره دیگن قیناق عادی اجتماعی حرکت سنلهدی. بیراق ناقانونی رسم و رواجلر باعث جامعهده کینگهییب بارماقده، بو ییللر جریانیده دقیق رقم قولگه کیریتیلمهگن. اما حاضرگی کونلرده بیزلر عیاللرگه قرشی یوزبیره دیگن قیناقلیک رقم میزانی توغریسیده سوزلهشیب ایریم لایحهلر روی خطگه آلهمیز بو اوزی تینچ اهالی حقوقیدن آگاهلنتیریلگنینی کورستهدی.
عین حالده، بغلان ولایتی حج و اوقاف ریاستی اورین باسری مولوی حنیفینینگ ایتیشیچه، تینچ اهالی آگاه سیزلیگی، زوروانلیکلری، ناقانونی رسم و رواجلر، جامعهده کته قیینچیلیکلردن بولیب عیاللرگه قرشی یشش ساحه سینی تار و قارنغوقیلگن.
مولوی حنیفی بغلانده برچه دین عالملرین مسجدلر منبری آرقهلی عیاللرنینگ شرعی حقی توغری سیده خلقنی آگاهلنتیریشینی سورهدی.
افغانستان 187 مملکت جملهسیدن بولیب، عیاللرگه قرشی یوزبیرهدیگن قیناقلیکنی باشقریش توغریسیده بولگن کنوانسیونگه قول قویگن و تیزیم شکلده 23 ایش بیلرمان عیاللرگه قرشی یوزبیره دیگن قیناقلیک حل ایتیلیشی خصوصیده کنوانسیونگه گزارش بیرهدی.
دیمک عیاللرگه قرشی یوزبیره دیگن قیناقلیکلرنی باشقریش خصوصیده خلق ارا ادارهلری تمانیدن کوپینچه سعی و حرکت قیلینگن، بیراق اوشبو اجتماعی ضرر حاضرگه قدر افغانستانده عیاللرگه قرشی کته انسانی و اخلاقی قیینچیلیک سنلهدی.
