فراه ولایتیده قیزلرگه خاص بیر مکتب دولت‌گه قرشی قوراللی گروه تامانیدن اوتگه تارتیلگن
فراه ولایتی بوییچه معارف ریاستی مسووللری‌نینگ ایتیشیچه، دولت‌گه قرشی قوراللی گروه‌لر بیرینچی‌دن اوشبو مکتب‌نی پارتله‌تیب و اوندن سونگ اوتگه تارتگنلر.
فراه ولایتی بوییچه معارف ریاستی‌نینگ تعلیمات اورین باسری صادق حلیمی‌نینگ سلام‌وطندارگه ایتیشیچه، دولت‌گه قرشی قوراللی کیشی‌لر اوتگن کیچه فراه شهری اطرافیده بولگن "گنهکان" قیشلاغیده قیزلرگه خاص بیر مکتب‌نی اوتگه تارتگنلر.
جناب حلیمی‌نینگ کوپه‌یتیریشیچه، اوشبو مکتب‌نینگ تخریب ایتیلیشی بیلن کمیده بیر مینگ قیز تعلیمات‌دن محروم قالگن.
فراه ولایتی کینگش اورین باسری شاه‌محمود نعیمی‌نینگ ایتیشیچه، "گنهکان" فراه شهری‌نینگ جمعیت‌لی قیشلاغی دیر و بو مکتب‌نینگ تخریب ایتیلیشی باعث، کوپ قطار قیزلر تعلیمات‌دن محروم قاله‌دی.
طالبان گروهی بیر خبرنامه آرقه‌لی مذکور مکتب‌نینگ اوشبو گروه تامانیدن اوتگه تارتیلگنی‌نی رد قیلگن.
