سلاموطندارگه صحبت بیرگن لوگر معارفی باشلیغی عبدالوکیل کلیوالنینگ ایتیشیچه، ولایت بوییچه 305 مکتب و مدرسه فعال دیر و بو قطاردن 118 مکتب نی بناسی یوق.
لوگر معارفینینگ باشلیغی گه کوره، مذکور ولایتنینگ کوپینچه اوقوچیلری خیمهلر آستیده تعلیمات کورهدیلر و اولرگه تعلیمات کتابلری هم بوتونلی بیریلمهیدی.
اونگه کوره، جمهور رئیس مملکت بوییچه 6 مینگ مکتب قوریلیشیدن وعده بیرگن ایدی و اولردن 130 تهسی لوگر ولایتیده تیگیشلی دیر.
لوگر معارفی باشلیغینینگ ایتیشیچه، مکتبلرنینگ بناسی یوقلیگی یانیده، ناتینچلیکلر قطار اوقوچیلرنی تعلیماتدن محروم قیلگن.
لوگر ولایتیده اوقیتوچی و مدنی فعالردن رحیمالله سموننینگ ایتیشیچه، مذکور ولایت اوقوچیلری کوپینچه قیینچیلیکلرگه روپهرو دیر و مکتبلرنینگ بناسی یوقلیگی سبب یوزلرچه اوقوچی تعلیماتدن محروم قالگن.
لوگر ولایتیده قطار اوقوچیلرنینگ ایتیشیچه، کوپ قیینچیلیکلر بیلن خیمهلر آستیده تعلیمات کورهدیلر. اولر معارف وزیرلیگیدن قیینچیلیکلرینی حل ایتیلیشی نی سورهیدیلر.
لوگر معارفی مسئولرینینگ ایتیشیچه، حاضرگه قدر کمیده 140 مینگ اوقوچی مذکور ولایتنینگ مکتبلریده تعلیمات بیلن شغللنیب کیلماقده و اولردن اوچ دن بیری نی قیزلر تشکیل بیرهدی.
