کابل مکتبلری اوقیتووچیلریدن قطاری نینگ ایتیشلریچه، معارف وزیرلیگی مسئوللری تبدیلی برابریده اولردن پول ایستهیدی.
اولرگه کوره، نیچه مدتدن بویان اوزلرینی باشقه بیر مکتب گه تبدیل قیلیش اوچون حرکت قیلهدیلر، بیراق اولرنینگ تبدیلی ایشلری آرتده قالگن.
مذکور اوقیتووچیلرنینگ کوپهیتیریشیچه، بیر مکتبدن باشقه بیر مکتب گه اوزینی تبدیل قیلهدیگن کیشی کمیشنکارلر آرقلی 50 – 100 مینگ افغانی مسئوللرگه رشوت بیرهدی.
بیراق کابل معارف باشلیغی احمدضمیر گوارا، اوقیتووچیلر رشوت بدلیده تبدیل بولیشی نی رد قیلیب ایتیشیچه، اوقیتووچیلرنینگ تبدیل قیلیش بیریریم آی آلدین باشلهنیب و بو پروسه بیللی معیارلر بیلن خاص بیر کمیسیون آرقلی آلغه بارهدی.
شو توغریده:
- اوقیتووچیلر ایامیدن نشانلش؛ « تعلیمات مسلکی بولمهگن»
اوقیتووچیلر و اوقووچیلردن پول توپلش منع ایتیلدی
غور اوقیتووچیلری آیلیکلری کملیگی باعث، ناراضیلیک بیلدیرگنلر
اونگه کوره، ولایت اوقیتووچیلریدن کوپینچهسی ناتینچلیک باعث اوزلرینی کابلده تبدیل قیلهدی و هر هفته 500 دن آرتیق تبدیلی عریضه اولرگه یتیشهدی کیم هفتهده اوقیتوچیلرنینگ بوش بستی یالغیز 100 ته دیر.
کابل معارف باشلیغی گه کوره، اولر عیال و خوفسیزلیک قیینچلیگی بولگن اوقیتووچیلرگه اولویت بیرهدی.
اوقیتووچیلرنینگ تبدیلی قیینچلیگی یالغیز کابلده ایمس؛ بلکیم بو قیینچلیک مملکت بوتون ولایتلریده بار.
بوندن آلدین اوقیتووچیلر پول بدلیده استخدام بولیشلری خصوصیده نیچه مرته گزارشلر ترقهتیلگن ایدی، بیراق معارف مسئوللری بو عیبلاولرنی رد قیلگن ایدی.
