معارف وزیرلیگی سرپرستی محمدمیرویس بلخی نینگ ایتیشیچه، 1399- تعلیمی ییل تیزلیککه برق و انترنت بولگن منطقهلر آنلاین و تلویزیون آرقهلی و امکانیتلر بولمهگن منطقهلر حضوری شکلده باشلنهدی.
بوگون "پنجشنبه" جناب بلخی نینگ بیر ییغینده ایتیشیچه، معارف تلویزیونی کونده کمیده 90 درسنی مملکت رسمی تیللریگه ثبت قیلهدی و تیزلیککه اوشبو درسلر معارف و ملی تلویزیونلری آرقهلی نشر قیلینهدی.
جناب بلخی نینگ کوپهیتیریشیچه، تیزلیککه برق و انترنت بولمهگن منطقهلرده مکتب نینگ درسلری ساغلیک توصیهلرنی نظرگه آلیش بیلن حضوری شکلده باشلنهدی.
معارف وزیرلیگی مسووللری نینگ تاکید قیلیشیچه، قرنطینه دورهسی چهارونیم ماهه سیناویدن آلدین یکونلنگن صورتده، بوتون اوقووچیلر مکتبلرده تیکشیریلهدی و اوشبو تیکشیریشلر نتیجهسی چهارونیم ماهه سیناوی نینگ نمراتیگه کیریتیلهدی.
مملکتده کرونا ویروسی چیقگنی باعث، 1399- تعلیمی ییل توختهتیلدی و ینگی تعلیمی ییلدن کمیده ایکی آی اوتماقده، بیراق دولتی مکتبلرنینگ اوقووچیلرینی سرنوشتلری بیللی ایمس.
حکومت کرونا ویروسیگه توسیق بولیش اوچون مکتبلر چکهسیده خصوصیده و دولتی بیلیملرنی هم تعطیل قیلدی.
ایتیلیشیچه، حاضرگهقدر مملکت بوییچه 3563 کیشی کرونا ویروسیگه چلینگن و بو جملهدن 106 تهسی وفات قیلیب و باشقه 468 تهسی درمانلنگن دیر.
