بوگون "پنجشنبه" معارف وزیرلیگی رسمیلری نینگ کابلده خبری بیر ییغین آرقهلی اعلان قیلیشیچه، خصوصی مکتبلرده بیرینجی صنفدن باشلب و 12- صنف و دولتی مکتبلرده 11- و 12- صنفلرنینگ درسلری 1 سنبلهدن باشلنهدی.
معارف وزیرلیگی نینگ اوشبو ریجهسی کابل بیرقطار یشاوچیلری نینگ تنقیدلری بیلن روپهره بولگن.
دولتی مکتبلرده تعلیم کورهدیگن بیرقطار بالهلرنینگ آته و آنهلری، معارف وزیرلیگی نینگ اوشبو قرارینی تبعیضلی عنوان قیلگنلر. اولرنینگ ایتیشیچه، مذکور وزارت تامانیدن تیارلنگن ریجه کمبغل و غنی عایلهلر آرهسیده فرق ایجاد قیلیش دیر.
عینحالده، معارف وزیرلیگی سرپرستی رنگینه حمیدی، دولتی و خصوصیده مکتبلر آرهسیده تبعیض ایجاد قیلیشنی رد قیلهدی.
خانم حمیدی نینگ ایتیشیچه، دولتی مکتبلرده جایلر محدود بولگنی سبب، ساغلیقنی سقلش وزیرلیگی تامانیدن بیریلگن توصیهلر رعایت قیلینمهیدی و انهشو سبب مذکور مکتبلرده درس باشلنمهگن.
افغانستان دولتی کرونا ویروسی کوپهیشیگه توسیق بولیش مقصد ده جاری قویاش ییل نینگ حمل آیده بوتون تعلیمی ادارهلرنی تعطیل اعلان قیلگن ایدی.
