قندوز معارف ریاست مسئوللری نینگ ایتیشلریچه، بو ولایت نینگ 22 مکتبی «وایمکس» انترنتی گه اولنگن و شونینگدیک قویاش برقی ایشلب چیقارهدیگن دستگاه نصب ایتیلیشی و کمپیوتر لب ایجاد ایتیش ایشی 60 فایز آلغه بارگن.
قندوز معارف باشلیغی نجیب ثاقب نینگ ایتیشیچه، مذکور پروسه یکونلهنیشی بیلن اوشبو مکتبلر انترنت آرقهلی باشقه ولایتلرنینگ مکتبلری بیلن وصل بولهدی و 83 مینگدن آرتیق اوقووچی تکنالوژی گه قول تاپهدی.
جناب ثاقب گه کوره، مذکور مکتبلر انترنت گه وصل بولیشی و قویاش برقی 10 میلیون افغانی خرهجت کوتارگن کیم بو پول جمهورلیک ریاست عملیاتی ادارهسی و سلام مخابراتی ترماغی آرقهلی توللنهدی.
قندوز اوقیتوچیلریدن یبری محمدعلی حسینی نینگ ایتیشیچه، بو سیستم ایجاد ایتیلیشی بیلن اوقووچیلرنینگ معلوماتی کوپهیشی ممکن.
قندوز شهری نینگ اوقووچیلری میرویس و عبدالله نینگ ایتیشلریچه، اوشبو ولایت مکتبلری انترنت و کمپیوتر بیلن جهازلنیشی باعث، اوقووچیلر ینگی موضوعاتلر بیلن تانیشهدی.
قندوز مملکت شمالیدهگی ناتینچ تومنلردن حسابلنهدی و مذکور ولایت تومنلریدهگی مکتبلردن کوپینچهسی طالبلرنینگ نظارتی گه دیر.
