سرپل ولایتی سانچارک تومنینی ولسوالی نقیبالله دقیق نینگ سلاموطندارگه ایتیشیچه، طالبان گروهی اوشبو تومنده 14 مکتبنی باغلهگن و 15 مینگ قیز و ایرکک اوقووچی اوقیشدن محروم قالگن.
اونینگ ایتیشیچه، طالبان گروهی تیبر، تغایخواجه، دوتوم، گذر، لنگربابهقوزی و گجوا قیشلاقلرینی نظارتلریگه آلگنیدن سونگ، مذکور منطقهلرده بولگن مکتبلرنی باغلهگن.
دقیق نینگ کوپهیتیریشیچه، اوشبو تومنده حربی عملیات یولگه قوییلمهگن صورتده، طالبان گروهی کته جنایتلرگه قول اورهدی.
عینحالده، سرپل ولایتی کینگش باشلیغی محمدنور رحمانی نینگ ناتینچلیکلر کوپهیگنیدن خواطر بیلدیریب ایتیشیچه، سرپل ولایتیده بولگن مکتبلردن 70% طالبان حاکمیتیده قرار تاپگن و اوشبو مکتبلرده تعلیمی نصاب یخشی صورتده عملی بولمهیدی.
شونینگدیک، سرپل معارف ادارهسینی باشلیغی احمدخان بیگزاده نینگ سلاموطندارگه ایتیشیچه، طالبان گروهی نظارتلریگه بولگن 14 مکتبنی کامل صورتده باغلمهگن، بلکیم قیزلرنی 7- صنفدن یوقاریگه درس اوقیش اوچون اجازه بیرمهیدی.
عینحالده، تخار ولایتی دشتقلعه تومنینینگ یشاوچیلری، طالبان گروهی قیزلرگه مکتب باریش اوچون اجازه بیرمهیدی دیگنلر.
شوتوغریده…
- تخار؛ اوقووچیلردن 30% اوقیشدن وازکیچگن
فاریاب: عالملر اوقووچی قیزلرنینگ ترانه اوقیشی حراملیگی توغریسیده فتوا بیردی
تخار معارف ریاستینی اورین باسری حسامالدین نظری نینگ سلاموطندارگه ایتیشیچه، دشتقلعه تومنیده طالبان نظارتیده بولگن مکتبلردن 4 تهسی باغلنگن.
اونینگ ایتیشیچه، اوشبو قیینچیلیک خواجهغار تومنیده بار دیر، بیراق حاضرگهقدر بو تومن مکتبلری باغلنمهگن و مکتبلرنی آچیق قالیشی اوچون طالبان گروهی و قوم بویوکلر آرهسیده سوزلشوولرنی دوامی بار.
طالبان گروهی اوتگن ییل هم تخار ولایتینینگ خواجه بهاوالدین، ینگیقلعه و دشتقلعه تومنلریده، قیزلرگه 7- صنف دن یوقاری درس اوقیش اوچون اجازه بیرمهگن ایدی، بیراق بو قیینچیلیک قوم بویوکلرنینگ دخالت آرقهلی حل ایتیلگن ایدی.
عینحالده، طالبان گروهینینگ سوزلاوچیلری، تخار و سرپل ولایتلریده مکتبلرنینگ باغلنگنینی رد قیلهدی. اولر مکتبلر و دینی مدرسهلرنینگ آچیق قالیشی اوستیگه تاکید قیلهدی.
