بالهلردن حمایت قیلیووچی خلق ارا تشکیلاتی نینگ ینگی بیر گزارش نشر قیلیب ایتیشیچه، افغانستانده قرنطین دوریده هر 10 بالهدن 8 تهسی «کم اورگهنیب و یا-ده هیچ اورگنمهگن.»
اوشبو نهاد تامانیدن «ببر نسلدن حفاظت قیلینگ، کووید-13 نی بالهلر حیاتیگه قرشی تاثیری» نامیده یولگه قویلگن تکشیریش نتیجهسیگه کوره، قرنطین کونلریده کمبغل عایلهلرنینگ بالهلری درآمدلرینی قولدن بیرگنی سبب، تعلیمی فرصتلردن فایدهلنه آلمهی و عایلهلر تامانیدن زوروانلیک تهدیدی بیلن روپهره بولگنلر.
گزارشده ایتیلیشیچه، قرنطین کونلریده بالهلرگه تعلیم کوریش، ساغلیک خذمتلر ییتیشتیریش و آذیق-آوقات تیارلش خصوصیده دقت بولمهی و شونینگدیک، اولردن تهدیدلر برابریده یخشی شکلده محافظت قیلینمهگن.
اوشبو گزارشده کوپهیتیریلیشیچه، افغانستان 6 ولایتیده 28.6% باله تلویزیونی برنامهلر، 13.8% رادیو و 0.2% انترنت آرقهلی تعلیم کوریشگه موفق بولگن.
مذکور گزارشگه کوره، تیکشیریشگه شامل بولگن بالهلردن 64% قرنطین کونلریده اوقیتووچیلر بیلن هیچقندهی رابطه قوریشگه موفق بولمهگن. گزارشگه کوره، هر 10 بالهدن 8 تهسی نینگ ایشانچیگه کوره، مکتبلرنینگ یاپیق بولگنی زمانیده کم اورگهنیب و یا-ده هیچ اورگنمهگنلر.
تیکشیریشگه کوره، قرنطین دوریده 4.6% اوقووچیلر کونده بیر مرته اوقیتووچیلری بیلن تماس آلهریکن. هر 10 بالهدن 3 تهسی کرونا کونلریده زوروانلیک بیلن روپهره بولگن.
بالهلردن حمایت قیلیووچی تشکیلات تامانیدن نشر قیلینگن گزارشده کوپهیتیریلیشیچه، اوزاقده بولگن منطقهلرده هر 3 عایلهدن بیر عایله درسی موادلرنی قولگه کیلتیریش خصوصیده قیینچیلیک بیلن روپه ره بولهریکنلر، شهرلرده بو رقم هر 5 عایلهدن بیر عایلهگه ییتیشهدی. گزارشده ایتیلیشیچه، افغانستان بالهلری و اولرنینگ عایلهلری بوندن آلدین هم نیچه دهه اوروشگه متاثر بولگنلر و کرونا ویروسی وضعیتنی اولرگه یمان و خطرلی قیلگن.
گزارش دوامیده ایتیلیشیچه، خلق ارا تکشیریشلرگه کوره، کرونا ویروسی کمبغل بالهلرگه تعلیم کوریشلری خصوصیده سلبی تاثیر قویگن و کمبغل و ثروتمند عیالهلرنینگ بالهلری آرهسیده بولگن فاصلهنی کوپهیتیرگن.
بالهلردن حمایت قیلیووچی خلق ارا تشکیلاتی اوشبو گزارشده، بالهلرگه تعلیمات، ساغلیک، تغذیه، محافظتی خذمتلر، روحی ساغلیک خذمتلر و اجتماعی حمایت اوچون سرمایه یاتقیزیلیشینی سورهگن.
