آسترالیالیک یولدوز شناس کیچیک یولدوز اطرافیدهگی یاغدولیگیگه 500 ییل فاصله بولگن عجایب یولدوزنی کشف ایتیب، یولدوزلر توغری سیدهگی موجود نظریهلرنی قیینچیلیککه روپهره قیلگن.
آسترالیا ملی بیلیم یورتینینگ یولدوز شناس و فیزیکی یولدوز تیکشیروچی مرکزیدهگی جورج ژو، بیزلر بیر کیچیک یولدوزنی کشف ایتدیک. اونی اطرافیده مشتری اوخشهگن یولدوز ایلنهدی. مذکور یولدوز اوزاق ییرده تشکیل تاپیب اوندن کیین آنه یولدوزی یقینیده کیلگن دیدی. اما موجود نظریهلر بوتوغریسیده بیرنرسه دیمهدی.
اوتکن ایکی دهه جریانیده 1800 دن آشه یولدوز باشقه یولدوزلر اطرافیده کشف ایتیلگن. اما بو یولدوز آتی HATS-6 کوتولهام یولدوزیگه اوخشهیدی. دیمک؛ کوتولهام سانسیز بولگن، اما حاضرگچه مذکور یولدوز رقمی انیق بیللی بولمهگن، چونکه بو یولدوزلر ساووق و کم نور بولگنی باعث انیقلش قیین بولگن.
HATS-6 ناملی یولدوز قویاش یاغدولیگی 20 فایزیدن بیر فایزیچه یاغدولیک بیرهدی. موجود یولدوز باشقه یولدوزلر اطرافیده کشف ایتیلگن. آنه یولدوزی برابریدن اوتگنده یاغدولیک میزانی اوزگرهدی. بوندهی بیرکم نور یولدوز یاغدولیگیگه کیلگن اوزگریش سایدینگ اسپرین رصدخانه سیدهگی آسترالیا ملی بیلیم یورتی تلسکوپی شامل کیچیک روبوتیک تلسکوپلری آرقهلی سیگنال کبی ثبت بولگن.
ماژیلان تلسکوپی چیلی اولکهسیده
بو سیگنالنی یولدوز اوتیشی اساسیده بولگن و بولمهگنینی بیللی قیلیش اوچون، مذکور مرکز یولدوز شناسلری، چیلی دهگی دنیانینگ اینگ کته ماژیلان تلسکوپی و پرت شهریده یشه یدیگن «تی جی تان» آتلی آماتوری یولدوز شناسدن یاردم سورهگنلر.
