بغلان ولایتیده امنیتی کوچلر و طالبان آرهسیده یوز بیرگن آتیشمهلر سبب، 40 مکتب باغلنگن و شونینگدیک، کیمده 6 مینگ اوقووچی اوقیشدن محروم قالگن.
بغلان ولایتیده معارف ریاستی مسووللری نینگ ایتیشیچه، اوشبو ولایتده طالبان گروهی و امنیتی کوچلر آرهسیده یوز بیرگن آتیشمهلر نتیجهسیده، 40 مکتب باغلهنیب و کمیده 6 مینگ اوقووچی تعلیم کوریشدن محروم قالگن.
بغلان معارف ریاستی باشلیغی سیداسماعیل مجاهد نینگ سلاموطندارگه ایتیشیچه، بو رقم اوقووچیلر پلخمری شهری، گذرگاهنور و بغلان مرکزی تومنیده اوقیشدن محروم قالگن.
مذکور اوقووچیلردن بیرقطاری نینگ ایتیشیچه، کمیده 1 آیدن بویان مکتب باره آلمهیدیلر.
پلخمری شهری نینگ زمانخیل منطقهسیدن جایسیز بولگنلر نمایندهسی محمدصابر قلیج نینگ ایتیشیچه، یالغیز بو منطقهده یوز بیرگن آتیشمهلر نتیجهسیده، کمیده 1 مینگ اوقووچی اوقیشدن محروم قالگن.
سونگی کونلرده بغلان ولایتیده یوز بیرگن آتیشمهلر نتیجهسیده، 6 مینگ دن آرتیق عایله آواره بولگن.
