مملکت معارف وزیرلیگی مسؤوللرینینگ ایتیشیچه، ینگی ریجهده مملکت مکتبلرینینگ درسی لایحه قیینچیلیکلری بیلگیلنگن و بو ریجه کیلهجک ییل سیناو شکلده مکتبلرده تطبیق ایتیلهدی.
سلاموطندارگه صحبت بیرگن معارف وزیرلیگینینگ برنامهلر ریاستی باشلیغی کبیر حقملنینگ ایتیشیچه، اوتگن ایکی ییلده مملکت مکتبلرینینگ درس لایحهسی اوستیگه ایش قیلیب و درس لایحهسیده ایریم اوزگریشلر کیریتگنلر.
جناب حقملگه کوره، ینگی درس لایحهسی اوستیگه یوزدن آرتیق اورگهتیش و تربیهلش ایشلری بوییچه ایش بیلرمان ایش قیلگن و ینگی لایحهده درسی کتابلر متنلری، عنوانلری و املایی بولیملریده اساسی اوزگریشلر کیریتگن. اونینگ ایتیشیچه، ینگی ریجه جمهور رییسگه یوباریلگن.
حقملنینگ کوپهیتیریشیچه، ینگی ریجهده بیرینچی، ایکینچی و اوچینچی صنفلرنینگ درس لایحهسی اساسی شکلده اوزگرگن و کیلهجک تعلیمی ییلده اوشبو لایحهنی تیل بولیمی ولایتلرنینگ ایریم مکتبلریده سیناو شکلده تطبیق ایتیلهدی.
معارف وزیرلیگی برنامهلر ریاستی باشلیغینینگ ایتیشیچه، اوشبو ریجه عملگه آشیریلگنیدن سونگ، اوچینچی صنفدن آلتینچی صنف گچه، آلتینچی صنفدن توقیزینچی صنف گچه و شونینگدیک، توقیزینچی صنفدن اون ایکینچی صنف گچه درس لایحهسی اوستیگه ایش قیلینهدی و اصلاحات هم کیریتیلهدی.
معارف وزیرلیگی برنامهلر ریاستی باشلیغینینگ کوپهیتیریشیچه، ینگی درس لایحهسی 2-3 ییلگچه بوتونلهی برچه مکتبلرده عملگه آشیریلهدی.
