بیرلشگن ملتلر تشکیلاتینی بالهلردن حمایت قیلیووچی خلق ارا سازمانی نینگ خلق ارا بالهلر ایامی مناسبتی خصوصیده ترقهتگن گزارشیگه کوره، افغانستانده هر5 بالهدن 2 تهسی مکتب باریشدن محروم دیر.
اوشبو گزارشده دنیا 176 مملکتیده بالهلرنینگ ساغلیک خذمتلرگه قول تاپیشی، تعلیمات، آوقاتلهنیش و خوفسیزلیگی تیکشیریلگن و افغانستان 157- جایگاه گه قرار تاپگن.
مذکور گزارشده کوپهیتیریلیشیچه، سونگی ایکی دهه ده افغانستان قطار یوتوقلرگه قول تاپگن و قانونی یاشنی تکمیل قیلمهگنلرنینگ تورموش قوریشینی 44% کمهیگنی اولر جملهسیدن، بیراق حاضرده میلیونلرچه باله قطار خذمتلرگه قول تاپیشدن محروم دیرلر.
گزارشگه کوره، 5 یاشدن قویی بولگن بالهلرنینگ اولیم رقمی 6.79%، رشد قیلیشدن محروم قالگن بالهلر رقمی 40.9%، مکتبدن محروم قالگن بالهلر رقمی 41.9%، و ایشلاوچیلر بالهلر رقمی 29.4% گه ییتیشهدی و اوشبو موارد افغانستان ده بالهلر حیاتی برابریده بولگن اصلی قیینچیلیکلردن حسابلنهدی.
مذکور گزارشده کوپهیتیریلیشیچه، 6 دن باشلب 24 آیلیک بالهلردن 88% هر کون توییب آوقات لنمهیدی و افغانستانده دوامی بولگن اوروش بالهلرنینگ امکانیتلردن محروم بولیشیگه سبب بولگن.
گزارشگه کوره، اوشبو نهادنینگ تیکشیریشیگه کوره، افغانستانده بولگن بالهلردن 15% دواملی اوروش و آتیشمهلر سبب سکونت قیلهدیگن منطقهلرینی ترک قیلگن و اوشبو بالهلردن کوپ قطاری تعلیماتدن محروم قالیب و یا-ده مکتبلری حربی مرکز گه اوزگریلگن.
مذکور گزارشگه ایتیلیشیچه، افغانستان کیلهجگی اوچون تعلیمات حیاتی بیر موضوع دیر، بیراق سونگی ییللرده قطار مکتبلر، اوقیتووچیلر و اوقووچیلر هجوم آستیگه قرار بیریلگنلر.
بیرلشگن ملتلر تشکیلاتینی بالهلردن حمایت قیلیووچی خلق ارا سازمانی نینگ گزارشیگه کوره، 2018-ییل بیرینچی 5 آیده اوقووچیلرنی تهدید قیلیش، و مکتبلر ساحهسیده یوز بیرگن اوروشلردن 780 واقعهسی حکومت تامانیدن رویخط گه آلینگن.
اوشبو گزارشده کوپهیتیریلیشیچه، حاضرده کمیده 1 مینگ مکتب ناقانونی قوراللی گروهلر، افغانستان امنیتی کوچلری و چیتایللیک کوچلر تامانیدن تخریب و اشغال قیلینگن و یا-ده اوروش یوز بیرگنی سبب باغلنگن دیر.
مذکور گزارشگه کوره، بالهلرنینگ قانونی یاشنی تکمیل قیلمسدن تورموش قوریشی، تعلیماتدن محروم قالیشی، کسللیکلر و توییب آوقات لنمهیشلری حاضرده هم اساسی قیینچیلیکلردن حسابلنهدی و اوتگن 20 ییل جریانیده افغانستان حکومتی کوپینچه کینگیتیریش برنامهلرنی موفقیتلیک بیلن عملگه آشیرگن.
