بوگون «دوشنبه» کابلده خبری بیر ییغین اوتکزگن افغانستان معارفی گه یاردم بیرووچی اداره مسؤوللری نینگ ایتیشیچه، اوشبو اداره و معارف وزیرلیگی آرهسیده بولگن کیلیشوونامه بیکار قیلینیشی قانون گه قرشی دیر.
افغانستان معارفی گه یاردم بیرووچی اداره باشلیغی حسینه شیرجان نینگ ایتیشیچه، مذکور اداره و معارف وزیرلیگی آرهسیده بولگن کیلیشوونامه بیکار قیلینیشی خصوصیده جمهور رئیس تامانیدن صادر ایتیلگن فرمان باعث، بو اداره نینگ کمیده 3300 اوقووچیسی درس دن محروم بولگن.
بیراق، معارف وزیرلیگی سوزلاوچیسی نوریه نزهت نینگ ایتیشیچه، افغانستان معارفی گه یاردم بیرووچی اداره و معارف وزیرلیگی آرهسیده بولگن کیلیشوونامه مذکور اداره نینگ بوتون خرجتی معارف وزیرلیگی تامانیدن توللنگنی باعث، بیکار قیلینگن.
عین حالده، افغانستان معارفی گه یاردم بیرووچی اداره اوقووچیلریدن بیرقطاری نینگ ادعا قیلیشیچه، معارف وزیرلیگی نینگ سواد اورگتیش اورین باسرلیگی نینگ مسؤوللری، اولر بیلن توغری یاندهشمهیدی. اوقووچیلرگه کوره، ایریم پیتلر اولرگه بوندهی بیر اداره یوقلیگی و خیالی بولگنی ایتیلگن. بیراق، معارف وزیرلیگی سوزلاوچیسی، اوقووچیلرنینگ ادعالرینی رد قیلیب ایتیشیچه، بو بیاناتلر صحنهسازلیک و حقیقتسیز دیر.
افغانستان معارفی گه یاردم بیرووچی اداره، قویاش 1382- ییلدن یاشلری یوقاری عیاللرگه اوقیش زمینهسی یرهتیلیشی خصوصیده، فعالیت گه باشلهگن.
