بوگون "چهارشنبه" افغانستان معلومات مرکزی تامانیدن اوزبیک تیلیده چاپ ایتیلگن اوچ کتاب کابل بیلیم یورتیده نمایشگه قوییلدی.
مذکور کتابلر محمدحسن تولقین تامانیدن فارسچه تیلیدن اوزبیکچهگه اوزگرتیریلگن ایکن.
اوشبو کتابلرنی نمایشگه قویش اوچون یولگه قوییلگن مراسمده جناب تولقین نینگ ایتیشیچه، بو کتابلر بالهلرگه خاص چاپ ایتیلگن و بالهلرنینگ اوزبیک تیلیده یازیش و اوقیشنی اورگهنیشلری خصوصیده ایجابی تاثیر قویهدی.
قیشده قیزیل آلمه تیریش، افغانستان تاریخی ییرلرینینگ حکایهسی و قویاش تیزیمیده اویقو افغانستان معلومات مرکزی تامانیدن چاپ ایتیلگن کتابلر جملهسیدن دیر و بو کتابلرنینگ هر بیریده 8 یا-ده 9 حکایه جایلشتیریلگن.
بو مراسمده جناب تولقین نینگ کوپهیتیریشیچه، قویاش تیزیمیده اویقو آتلی کتابده قویاش تیزیمی جملهدن قویاش، ییر، یلدوزلر و سیارهلر حقیده معلومات بیریلگن و بیر باله مذکور کتابنی اوقیش بیلن کاینات خصوصیده معلومات قولگه کیریتهدی و شونینگدیک، افغانستان تاریخی ییرلرینینگ حکایهسی کتابیده افغانستان نینگ تاریخی ییرلری و آبدهلری خصوصیده بولگن حکایهلر جایلشتیریلگن و بالهلر مذکور کتابنی اووقیگن صورتده، افغانستان تاریخی آبدهلری و تاریخی ییرلری خصوصیده معلومات تاپهدی.
ایتیش کیرهککه، حاضرگهقدر کمیده 400 جلد کتاب پشتو و فارسچه تیللریده افغانستان معلومات مرکزی تامانیدن چاپ ایتیلگن، بیراق بو بیرینچی مرتهکه اوزبیک تیلیده 3 کتاب بو مرکز تامانیدن چاپ قیلینهدی.
