ملکی هوایی خذمتلر ادارهسینینگ باشلیغی محمودشاه حبیبینینگ ایتیشیچه، اوشبو سیستم هوا تفاوتینی تخمین قیلیب و طبیعی واقعهلرگه توسیق بولیش خصوصیده همکارلیک قیلهدی.
حبیبینینگ ایتیشیچه، سابقلرده هوا وضعیتی خصوصیدهگی معلوماتلر ویبسایتلر تامانیدن قولگه کیلهریدی؛ بیراق اوشبو سیستمنینگ ایجاد ایتیلیشی بیلن مملکت هوا وضعیتی خصوصیدهگی معلوماتلر ماهواره آرقهلی قولگه کیلهدی.
حبیبیگه کوره، اوشبو اداره ایشلاوچیلریدن 80 تهسی هواشناسلیک خصوصیده تعلیمات کورگنلر.
ملکی هوایی خذمتلر ادارهسی باشلیغینینگ ایتیشیچه، مذکور سیستم حتا بیر تومن سطحیگه هم هوا وضعیتینی تخمین قیله آلهدی.
عینحالده، طبیعی حادثهلرگه قرشی کورهش وزیری نجیبآقا فهیمنینگ ایتیشیچه، هوا وضعیتینی تخمین ایتیش سیستم طبیعی واقعهلرنی تخمین قیلیب و حکومت اوشبو سیستم آرقهلی بوتون طبیعی واقعهلرگه قرشی تیارگرلیک آلیشگه قادر بولهدی.
گزارشلرگه کوره، اوتکن ییلده طبیعی واقعهلر سبب 3 مینگ کیشی افغانستانده جان بیرگن.
