بوگون «جمعه، 14- سرطان» کابل شهریدهگی افغان-ترک مکتبی پولیس تامانیدن قورشاوگه آلینگن.
کابل پولیسی نینگ مسؤوللری حاضرگچه بو توغریده هیچ نرسه دیمهگن، بیراق مذکور مکتب مسؤولیتینی ترکیه معارف قوریلمهسیگه انتقال بیریش قورشاو سببلریدن دییلهدی.
مذکور مکتب اوقووچیلریدن بیرقطاری نینگ میدیالرگه ایتیشیچه، بوگون «جمعه» ایرتهلب ساعت 4 اطرافیده، افغان-ترک مکتبی پولیس کوچلری تامانیدن قورشاوگه آلینگن و بو حرکت مکتب اوقووچیلری و ایشلاوچیلری نینگ قرشیلیگی گه دوچ کیلگن.
شونینگدیک، کابلدهگی افغان-ترک مکتبی اوقووچیلر عایلهوی کمیتهسی، بو مکتب پولیس کوچلری تامانیدن قورشاوگه آلینگنی خصوصیده، حاضرگچه عکسالعمل بیلدیرمهگن.
مملکتده افغان-ترک مکتبلری توغریسیده بولگن جنجللر ایکی ییل آلدین افغانستان و ترکیه معارف وزیرلری، مذکور مکتبلرنینگ مسؤولیتینی ترکیه معارف قوریلمهسیگه انتقال بیریش خصوصیده کیلیشگنیدن سونگ، باشلندی.
ایتیلیشیچه، حاضرگهقدر مملکت ولایتلریدهگی افغان-ترک مکتبلریدن بیرقطاری، ترکیه معارف قوریلمهسیگه تاپشیریلگن.
عین حالده، افغان-ترک مکتبی واقعهسیدن گزارش توزهتیش اوچون بارگن خبرچیلردن بیرقطاری نینگ ایتیشیچه، پولیس اولرگه گزارش توزهتیش گه رخصت بیرمهگن. شونینگدیک، اولرنینگ ایتیشیچه، پولیس کوچلری خبرچیلردن بیرقطارینی کلتکلگن.
شو توغریده…
افغان-ترک مکتبلرینینگ مسؤوللری هجوم گه دوچ کیلیشلریدن خواطر بیلدیرگن
