.jpeg)
قندوز ولایتیده ۱۵ مکتب و ۳ ساینس سیناوخانهسی نینگ بناسی فایدهلنیش گه تاپشیریلگن.
قندوز معارف ریاست مسئوللری نینگ ایتیشلریچه، تینگ رواجلنتیریش نی عمل گه آشیریش و تعلیمات صفتی نینگ یوقاری ایلتیشی اوچون بو ولایتده ۱۵ مکتب و ۳ ساینس سیناوخانهسیگه بنا قوریلگن. اولرگه کوره، بو مکتبلر ۶، ۸ و ۱۲ صنفلی دیر.
قندوز معارف ریاست باشلیغی نجیب ثاقب نینگ ایتیشیچه، مذکور مکتبلر فایدهلنیش گه تاپشیریلیشی بیلن ۱۰ مینگ اوقووچی گه معیاری تعلیمات زمینهسی یرهتیلگن. اونگه کوره، شونینگدیک مذکور مکتبلرنینگ بناسی ساغلیک ایچیملیک سوو بیلن جهازلنگن.
مذکور مکتبلر و سیناوخانهلرنینگ قوریلیشی ۱۰۰ میلیون افغانی خرهجت کوتارگن کیم بو پول دولت، دنیا بانکی، ناروی مملکتی نینگ قاچقینلر کمیتهسی (NRC) و آلمان مملکتی نینگ جیآیزید دفتری آرقهلی توللنهدی.
قندوز معارف ریاست مسئوللری نینگ ایتیشلریچه، کیلهجک آی گچه باشقه ۱۵ مکتب نینگ قوریلیش ایشی یکونلنهدی.
.jpeg)
قندوز ده قطار اوقووچیلر مکتبلرگه بنا قوریلیشیدن خرسندلیک بیلدیریب ایتیشلریچه، اوتگن نیچه ییل ده درسی صنف یوقلیگی باعث کوپینچه قیینچیلیکلرگه دوچ کیلگنلر و آچیق فضا و قویاش نوری آستیده درس اوقیگنلر.
اولرنینگ ایتیشلریچه، حاضر تعلیمات آلیش و درس اوقیش اوچون کوپ قیزیققنلر و یخشی بیر کیلهجک اوچون سعی و حرکت قیلهدیلر.
قندوز یشاوچیلریدن قطاری بو ولایت مکتبلریگه بنا قوریلیشی نی ترقیات و آبادانچیلیک اوچون یخشی بیر اَدیم دیب ایتیشلریچه، اولر دولتدن مکتبلر نی قوریش گه علاوه کسلخانه قوریش و یوللرنی قوریش و قیته قوریشی اوچون توجه قیلیشی نی سورهشگن.
