غزنیده عیاللرگه خاص بیر کتابخانه آچیلدی. بو کتابخانه عیاللر آرهسیده کتاب اوقیش فرهنگی نی رواجلنتیریش اوچون غزنی ولایتیدهگی عیاللر حقلریدن دفاع قیلهدیگن قطار نهادلرنینگ مالی همکارلیگی بیلن مذکور ولایت عیاللر ریاستی تامانیدن ایجاد ایتیلگن.
سلاموطندارگه صحبت بیرگن غزنی عیاللر ریاستی کتابخانهسی مسئولی بصیره جلال نینگ ایتیشیچه، بو کتابخانه اوچون 1500 تورلی کتاب ساتیب آلینگن.
مذکور کتابخانهده هرکون 2 – 3 عیال کتاب اوقیش اوچون مراجعت قیلهدی.
غزنی عیاللری اوشبو ولایت عیاللر ریاستی نینگ قیلگن اقدامیدن خرسندلیک بیلدیریب ایتیشیلریچه، غزنیده قطار عایلهلر قیزلریگه کتاب اوقیش اوچون ایرککلر آرقلی مدیریت قیلینهدیگن عیاللر و ایرککلر قوشمه کتابخانهسیگه باریش اوچون رخصت بیرمهیدیلر.
شو توغریده:
بامیانده عیاللرگه خاص بیر کتابخانه آچیلدی
خوست ولایتینینگ عامهوی کتابخانهسی بیر خبرچینینگ آتیگه قوییلدی
«بیر اوقووچینینگ سوراغی» پروان ده کتابخانه قوریلیشیگه سبب بولگن
غزنیده 12- صنف اوقووچیسی بولگن حبیبه حسینی مذکور کتابخانهده مراجعت قیلیب ایتیشیچه، اوشبو کتابخانه کتاب ساتیب آلیش گه کوچی ییتمهیدیگن کوپینچه اوقووچیلر و طلبهلر اوچون کتته قولهیلیک یرهتگن.
عیاللردن قطاری غزنی عیاللری ریاستیدن ینگی چاپ ایتیلگن و ینگی یازووچیلرگه تیگیشلی کتابلرنی بو کتابخانهده کیلتیریشلرینی سورهگن.
شونینگدیک مذکور عیاللر اوشبو ریاست مسئوللریدن بو کتابخانه نینگ انترنیت گه وصل ایتیلیشی نی سورهگنلر.
غزنیده حاضر 2 دولتی و نیچه خصوصی کتابخانه موجود دیر و یاشلرنینگ مذکور کتابخانهلرده حضوری سابقلرگه قرهگنده کوپهیگن.
