بدخشان، هرات و بامیان ولایتلریدن کانکور سیناویده اشتراک قیلگنلردن بیرقطاری، کانکور سیناوی نینگ سهمیهبندلیگیدن شکایت قیلگنلر. اولرنینگ ایتیشیچه، حکومت نینگ بو حرکتی اوقووچیلر استعدادلرینینگ نابود بولیشیگه سبب بولهدی.
کانکور سیناوی اشتراکچیلری نینگ کوپهیتیریشیچه، بو سیناونینگ سهمیهبندلیگی باعث، کلیدی رشتهلرگه یول تاپیش رقمی کمهیگن.
کانکور سیناوی اشتراکچیلرینینگ ایتیشیچه، سیناونی یولگه قویش لایحه تینیق ایدی، بیراق کلیدی رشتهلرنینگ سهمیهبندلیگی ناتوغری دیر.
عینحالده، عالی اوقوویورتلر وزیرلیگینی سوزلاوچیسی فیصل امین نینگ سلاموطندارگه ایتیشیچه، کانکور سیناوی سهمیهبندلیک بولمهگن. جناب امینگه کوره، کدر توزهتیش اوچون مملکت 33 ولایتیدن بیر اشتراکچی یوقاری نمبره قولگه کیریتیب کابل بیلیم یورتیگه یول تاپهدی.
امین نینگ کوپهیتیریشیچه، طب، مهندسلیک، حقوق، اقتصاد و کمپوترساینس اوچون 33 چوکی ولایتلردن اشتراک قیلگنلرگه کوپهیتیریلهدی.
کانکور سیناوی نینگ سهمیهبندلیک ریجهسی بیرینچی کونلردن حاضرگهقدر مملکت یشاچیلری نینگ جدی واکنشلری بیلن روپهره بولگن.
