افغانستان عالی اوقوو وزیرلیگی، چهارشنبه کون، 1398- ییل، کانکور سیناوی نینگ نتیجهسینی اعلان قیلدی و اونگه اساس، سیناوده اشتراک قیلگنلردن 20 مینگ کیشی نتیجهسیز قالگن.
کانکور سیناویده تقدیرسیزلیک و ایشسیزلیک باعث، ییلده یاشلردن کوپینچهسی ترورچیلیک و مافیایی تشکیلاتلرگه قوشیلیب و ایریم پیتلر روحی کسللیکلرگه چالینهدیلر.
جامعهشناس جمعهخان محمدی نینگ ایتیشیچه، تدبیرلی توزوم ایجاد ایتیلگن صورتده، استعدادلی کیشیلر اوچون اوقیش زمینهسی یرهتیلیب و ظرفیتی آز بولگن کیشیلر ایش بیلن تأمینلنهدی.
اونگه کوره، افغانستان عالی اوقوو تیزیمی، اقتصادی و مدنی تیزیم گه علاوه، تدبیرلی بیر تیزیم احتیاج دیر و بو اساسده، استعدادلی کیشیلر اوچون جامعه نیازلری توغریسیده تیکشیروو و تدقیقات زمینهسی یرهتیلیشی کیرهک.
اوشبو روانشناس نینگ کوپهیتیریشیچه، ظرفیتی یوقاری بولمهگن کیشیلردن بیرقطاری، کوپراق اوقیش گه نیاز بولمهگن ایشلرنی آرقهسیدن یوباریلیشی کیرهک.
روانشناس روحالله رضوانی نینگ ایتیشیچه، یخشی تیریکچیلیککه ایریشیش اوچون بولگن بیرینچی یول بیلیم یورت گه باریشنی توشونگن کانکور سیناوی اشتراکچیلری، بیلیم یورت گه یول تاپمهگن صورتده، روحی نقطهی نظردن زیان کوریب و تیریکچیلیکلریده قیینچیلیککه دوچ کیلهدیلر.
اونگه کوره، اوقووچی ایستهگن بولیمی گه یول تاپمهگن صورتده، جامعه کوتیلمهگن شکلده اوقووچی نینگ لیاقتی توغریسیده قضاوت قیلهدی و بو ایش کیشیلرنینگ روحی خوفسیزلیگی، ایشانچی و اجتماعی حیاتی اوستیگه سلبی تأثیر قویهدی.
1398- ییل، کانکور سیناویده 180 مینگ کیشی اشتراک قیلگن و بو آرهدن 61 مینگ کیشی دولتی بیلیم یورتلر، 50 مینگ تهسی یریم عالی مؤسسهلری و باشقه 77 مینگ تهسی خصوصی بیلیم یورتلرگه یول تاپگنلر.
