لوگر ولایتی بوییچه معارف ریاستی باشلیغی عبدالوکیل کلیوال نینگ سلاموطندارگه ایتیشیچه، طالبان گروهی "پنجشنبه" کوندن بویان محمدآغه تومنیده بولگن بوتون مکتبلرینی اوقووچیلر یوزیگه باغلهگن.
جناب کلیوالگه کوره، طالبان گروهی مکتب آمرلرینی تلفونی آرقهلی آگاهلنتیریب و اولردن مکتبلرنی باغلهشینی سورهگن.
جناب کلیوال نینگ کوپهیتیریشیچه، ینگی امنیتی پوستهلر ایجاد ایتیلیشی و جمهورلیک ریاستی سیلاویده مکتبلردن آواز بیریش مرکزی صفتیده فایندهلنیش گه قرشی طالبان گروهی بو ایشنی قیلگن.
محمدآغه تومنی نینگ ولسوالی نورمحمد عبیدی نینگ ایتیشیچه، حاضرده بو تومن بوتون مکتبلری باغلنگن و اوقووچیلر سرنوشتسیز حالده قرار تاپگنلر.
محمدآغه تومنیده جایلشگن مکتب اوقووچیلریدن بیرقطاری، طالبان گروهیدن تعلیم کوریش اوچون اولرگه رخصت بیریشینی سورهگنلر.
لوگر ولایتی نینگ محمدآغه تومنیده 64 باب مکتب بار دیر و بو جملهدن 21 مکتب قیزلر و باشقهسی ایسه ایرککلرگه اختصاص بیریلگن.
طالبان گروهی حاضرگهقدر بو توغریده فکر بیلدیرمهگن.
