هلمند ولایتیده کمیده 1200 قراردادی اوقیتووچی نینگ ایتیشیچه، بیر ییل دن بویان حقالزحمه قولگه کیلتیرمهگنلر. اولرنینگ آگاهلنتیریشیچه، حقالزحمهلری بیریلمهگن صورتده، اوقوچیلردن امتحان آلمهی و وظیفهلریدن وازکیچهدیلر.
اوقیتووچیلرنینگ ایتیشلریچه، اوشبو قیینچلیک نی نیچه مرته هلمند ریاستی معارفی بیلن اورته گه قویگنلر، بیراق بیرار کیشی اولرنینگ قیینچیلیگی گه توجه قیلمهگن.
اولر، معارف وزیرلیگیدن مذکور قیینچیلیککه جدی توجه قیلیشی نی سورهگنلر.
شونینگدیک اوقوچیلر اوشبو اوقیتووچیلردن حمایت بیلدیریب و حکومتدن اوقیتووچیلرنینگ آیلیگی نی بیریب و امتحاندن قالمسلیکلرینی سورهگنلر.
عین حالده، هلمند معارفی باشلیغی محمدداوود شاه صفاری نینگ ایتیشیچه، اوشبو قیینچیلیک نی معارف وزیرلیگی بیلن اورته گه قویگنلر و معارف وزیرلیگی مسئوللریدن مذکور اوقیتووچیلرنینگ حقالزحمهلری بیریلیشی نی سورهگنلر.
جناب صفاری نینگ ایتیشیچه، اوشبو اوقیتووچیلر وظیفهلرینی ترک قیلگن صورتده، 48مینگ اوقوچی درسدن محروم قالهدی. اونگه کوره، اوقیتووچیلرگه ییر ترقهتیلیشی خصوصیده ایشلرنی دوامی بار و تیزلیککه ترقهتیش پروسهسی باشلهنیشی نی احتمالی بار.
شو توغریده:
