مدنیت رواجلنیشی، اقتصاد یوکسلیشی و اجتماعی علاقه گه انسانلرنینگ نیازمندلیک لری و ایرککلر و عیاللر اوچون اورگهتیش و تربیهلش و اجتماع ده اولرنینگ تأثیرینی ضروری قیلهدی. شو یوزهدن انسان حقلری توغریسیدهگی اداره لر، دولت لردن عایله وی کم سیتیش لرگه قرشی کوره ش اوچون اجتماعی چاره تدبیر و قانونلرنی نظرگه آلیش لرینی سوره یدی، بیراق بیزلرنینگ مملکت میزده سنت و عرف گه عایلهلرنینگ اعتقادی باعث، قیزلر اویده و سواد سیز قالهدیلر.
بونینگ یانیده، مملکتنینگ اوزاق منطقهلریده مکتب و اوقیش اوچون باشقه فرصتلر بولمهگنی اهالینینگ سوادسیزلیگی گه سبب بولگن. بلخ ولایتی نهرشاهی تومنینینگ گوریمار قیشلاغیده عیال اوقیتووچی بولمهگنی باعث، عایلهلردن کوپینچهسی قیزلری مکتب باریش گه رخصت بیرمهیدیلر.
مذکور قیشلاق یشاوچیسی 18 یاشیده بولگن نازینینگ سلاموطندارگه ایتیشیچه، ایکی ییلدن بویان مکتب بارمهیدی، اوقیتووچیلر و اوقووچیلرنینگ برچهسی ایرکک بولگنی سبب، عایلهسی اونگه مکتب باریش اوچون رخصت بیرمهیدی. بیراق "سوند" دفتری مذکور قیشلاقده قیزلر اوچون مکتب قوریش گه قرار آلگنیدن سونگ، نازی مکتب بارش گه امید قیلگن.
اوشبو قیشلاقده یشهیگن نازی کبی کوپینچه قیزلر تعلیمات کوریش خصوصیده، علاقه کورستهدی.
عین حالده، بو قیشلاقده یشهیدیگن عیاللردن بیری ریزهگل، موجود قیینچلیکلرنی بیان قیلیب "سوند" موسسهسیدن قیزلر اوچون مکتب قوریشی توغریسیده منتدارلیک بیلدیرهدی. ریزهگلنینگ ایتیشیچه، مذکور قیشلاقده مکتب قوریلیشی او و باشقه عیاللرنینگ خرسندلیگیگه سبب بولگن.
خانم فرشته هم گوریمار قیشلاغیده یشهیدی. او کوپینچه قیینچلیکلر بیلن مکتبنی اوقیب بیتتیرگن. خانم فرشته، قیزلرگه قرشی موجود قیینچیلیکلردن ایسلب ایتیشیچه، قیزلر اوچون مکتب قوریلگن صورتده، اهالی ساغلیق امکانیتلریگه قول تاپیشی و باشقه نیازلری آزهییشیگه باعث بولهدی.
عین حالده، بیرلیک و یوکسلتیریش مؤسسهنینگ معلومات بیریش بولیمی مسؤولی انجنیر سردار زلمینینگ سلاموطندارگه ایتیشیچه، مذکور مؤسسه هر بیر قیشلاقنینگ نیازی اساسیده، مدنیت و اورگهتیش و تربیهلش خصوصیده، فعالیت قیلهدی.
جناب زلمی، قیشلاق اهالیسینینگ معلوماتی و بیلیمی یخشیلنیشی خصوصیده اشاره قیلیب ایتیشیچه، بیلگی و سودا یالغیز ایرککلر اوچون ایمس، بلکیم عیاللرنینگ اساسی نیازلریدن دیر.
"سوند" مؤسسهسی تامانیدن مدنی تعلیمات بیریش بلخ، مارمل، خلم ، دولت آباد و نهرشاهی تومنلریده عملگه آشیریلگن.
مذکور مؤسسه، فعالیتلری جریانیده باشقه ایشلر هم قیلگن. مذکور مؤسسه مارمل تومنینینگ ملاافغان قیشلاغیده ایچیملی سوو زخیرهسی قورگن؛ بلخ تومنینینگ حسینآباد قیشلاغیده یاشی تولمهی تورموش قوریشگه قرار قیلینگن ایکی مراسمگه توسیق بولیب و نهرشاهی تومنینینگ گوریمار قیشلاغیده قیزلر اوچون بیر مکتب قوریش گه قرار قیلگن.
