.jpg)
بامیان بیلیم یورتی نینگ اوقووچیلری، اوشبو بیلیم یورت و یاتاقخانهسیده امکانیت یوقلیگیدن شکایت قیلیشگن. بامیان بیلیم یورتی نینگ یاتاقخانهسیده جهازلنگن کتابخانه، تدقیقات اوچون اورین، سوو و برق، حمام و توهلیت یوقلیگی اوقووچیلر شکایت قیلیشگن قیینچیلیکلردن دییلهدی.
بیلیم یورتدن اوزاق کرایی اویلردن یاتاقخانه صفتیده فایدهلنگن بامیان بیلیم یورتی نینگ قیز و اوغیل اوقووچیلریدن بیرقطاری نینگ ایتیشیچه، شهر کوچهلریده نملی اتاقلرنی کرا آلیشگن.
سلاموطندارگه صحبت بیرگن بامیان بیلیم یورتی نینگ جامعه شناسلیک بولیمی اوقووچیسی محمدحسن غرجستانی نینگ ایتیشیچه، شهر کوچهلری و نملی اتاقلرده یشهیدیگن اوقووچیلردن کوپینچهسی کسل بولیشگن. اونینگ ایتیشیچه، اوقووچیلر اوشبو نملی اتاقلرنی 2500 افغانی کرا آلیشهدی.
شونینگدیک، بامیان بیلیم یورتی نینگ قیز اوقووچیلریدن بیرقطاری، ترانسپورت یوقلیگیدن شکایت قیلیشهدی. فاطمه رستگارنینگ ایتیشیچه، بو قیینچیلیکنی حل قیلیش اوچون نیچه مرته بیلیم یورت مسؤوللری و بامیان محلی رسمیلری بیلن صحبت قیلیشگن، بیراق حاضرگهقدر بو خصوصده هیچ دقت قیلینمهگن.
.jpg)
بامیان بیلیم یورتی نینگ مسؤوللری، اوشبو بیلیم یورت ده قیینچیلیک موجودلیگینی تَن آلهدی. بامیان بیلیم یورتی نی باشلیغی عزیزالله محبی نینگ ایتیشیچه، اوقووچیلر بامیان بازاریده نملی و نامناسب اتاقلرده تیریکچیلیک قیلیشهدی و بو موضوع اولرنینگ اوقیشی اوستیگه سلبی تأثیر قویهدی.
جناب محبی نینگ ایتیشیچه، بیلیم یورت و اوقووچیلرنینگ قیینچیلیکلرینی عالی اوقوو وزیرلیگی بیلن شریک قیلگن، بیراق حاضرگچه بو قیینچیلیک حل ایتیلیشی اوچون عالی اوقوو وزیرلیگی تامانیدن هیچ بیر ایش قیلینمهگن.
عین حالده، بامیان بیلیم یورتی مسؤوللری نینگ ایتیشیچه، ایرته «پنجشنبه، 7- قوس» عالی اوقوو وزیرلیگی نینگ سرپرستی قطار پروژهلر اینیقسه بیلیم یورت نینگ قیزلرگه خاص یاتاقخانهسینی آچیق اوچون بو ولایت گه کیلهدی و اوقووچیلرنینگ قیینچیلیکلرینی یقیندن تیکشیریشی ممکن.
بامیان ولایتی نینگ بیلیم یورتی ده بامیان و باشقه بیرقطار ولایتلردن کمیده 7 مینگ قیز و اوغیل اوقووچی درس اوقیشهدی.
