20- عصرنینگ سونگی دههسینی تانیقلی و شهرت قازانگن بیلیم دانی، کمبریج بیلیم یورتینینگ اوقیتووچیسی، فیزیکدان و انگلیسلیک شهرتلی یولدوز شناس استیون هاوکینگ 76 یاشیده عالمدن اوتدی. بوندن باشقه اونینگ قیلگن ایشلری و حیاتی توغریسیده «برچه نرسه نظریهسی» ناملی فلم هم توزهلگن.
استیون هاوکینگ، 21 یاشیده «ای.ال.اس» کسللیگی باعث، ناگران بولیب و 1985- ییلده باشقه بیر جدی کسللیککه دوچار بولدی و بو کسللیک اونی تیوب آرقهلی نفس آلیشگه مجبور قیلدی. بیراق او، یازیشی، تدقیقات و باشقه علمی ایشلریگه دوام بیرگن.
هاوکینگنینگ بیرینچی تورموش اورتاغی جین وایلد، قوشمه تیریکچیلیکلری باشلهنیشیده اونگه نسبتن خاص علاقهده ایدی و اوندن سونگ، هاوکینگنی ییلکهسیده آغیر یوک بیلیب و اوزی ایستهگن شکلده یشه آلمهگنی سبب، هاوکینگنی ترک قیلگن و هاوکینگ ایسه ایکینچی مرته تورموش قورگن.
هاوکینگ قاره توینوکلر توغریسیده کوپینچه کشفیاتلر و شونینگدیک، کوانتوم فیزیکی خصوصیده سانسیز نظریهلر بیرگن. انشتین گه ینگی فزیک آتهسی صفتیده حرمت قیلردی؛ لیکن انشتین عمرینینگ آخریگهقدر کوانتوم فیزیکینی قبول قیلیش گه حاضر بولمهگن. عین حالده، باشقهلر اونگه «ایکینچی انشتین» لقبینی بیرگنلر و هاوکینگ ایسه انشتیننینگ نسبی نظریهسینی تکمیل قیلیش اوچون سعی و حرکت قیلردی.
هاوکینگنینگ فرزندلری لوسی و روبرتنینگ ایتیشلریچه، او یوکسک بیلیمدان و عجایب بیر انسان ایدی. اولرنینگ ایشانچلریگه کوره، آتهلرینینگ میراثی تیزلیکده ایس دن چیقاریلمهیدی. لیکن بو ایشانچ یالغیز هاوکینگنینگ فرزندلریگه باغلیق ایمس دیر. چونکه کیمسه بو حقیقتنی انکار قیله آلمهیدی. حقیقت کوزی بیلن قرهگنده استیون هاوکینگ عجایب بیر انسان ایدی و شبههسیز 20- عصر ده بیلیم دنیاسی اونگه اوخشهیدیگن بیر انساننی کورمهگن.
