عالی اوقوو وزیرلیگی مسؤوللرینینگ ایتیشیچه، جاری ییلده بیلیم یورت استادلریدن 1000 تهسی اوقیش دوامی و ماسترلیک حجت قولگه کیریتیش اوچون ایچکی و چیت ایللیک بیلیم یورتلرگه تانیشتیریلهدیلر.
عالی اوقوو وزیرلیگینینگ 1397- ییل بودجهسیده، اوقیتووچیلرنینگ ظرفیتینی یوقاری کوتریش اوچون 5 میلیون افغانی اختصاص بیریلگن.
اوشبو وزیرلیکنینگ ریجهسی اساسیده، لیسانس درجهسیده بولگن اوقیتووچیلر ایچکی و چیت ایللیک بیلیم یورتلریده اوقیشلریگه دوام بیره آلهدیلر. حاضرگهقدر مملکت ایچیده 300 اوقیتووچی «ماسترلیک» برنامهسیگه جذب ایتیلگن و مملکتدن تشقری باشقه 700 اوقیتووچی یوباریلیشی دوام ایتماقده.
عالی اوقوو وزیرلیگی سوزلاوچیسی عارفه پیکارنینگ ایتیشیچه، 1398- ییل اداغیگهقدر مملکت بویلب بوتون بیلیم یورتلرنینگ اوقیتووچیلری ماسترلیک درجهسیده درس بیرهدیلر.
بیلیم یورت اوقیتووچیلرینینگ علمی ظرفیتلرینی ماسترلیک درجهسیگهقدر یوقاری کوتریش مملکت عالی اوقوو وزیرلیگینینگ کیلهجک 4 آیلیک ریجهسی دیر و مذکور وزیرلیک رسمیلری، بو ریجه بیلیم یورتلرنینگ درس کیفیتی یوقاری کیتیشیگه سبب بولهدی دییدیلر.
